Latinitas Nostra

Roma cotidie

2012-02-08T19:32:00.000+01:00

A este libro pásalle o mesmo que á Antiga Roma: non deixa de perder actualidade porque cada vez que nos achegamos a ela atopamos algo que segue a ser moi semellante hoxendía.

Publicado por primeira vez en EE.UU. en 1903, foi reeditado moitas veces, e desde 2010 (non era sen tempo) dispoñemos dunha traducción ó castelán.

Hai moitos libros sobre a vida cotiá dos antigos romanos, e bastantes deles son máis atractivos visualmente que estes, por estaren ilustrados con abundancia e calidade. Pero se o que queremos é atopar unha descrición concisa e clara das actividades diarias dos antigos romanos, este é o libro ó que debemos acudir: a familia, o matrimonio, a educación, a escravitude, a clientela, a casa e o seu mobiliario, a imaxe persoal, as comidas, as diversións, as viaxes, os libros, os medios de vida, os costumes funerarios e a relixión. E remata cun índice temático para poder consultar rapidamente o eido da vida cotiá que queiramos.

Imprescindible

ROMANAE QVAESTIONES V (MMXI-MMXII)

2012-02-02T19:38:00.001+01:00

Pechamos Xaneiro, que é a porta do ano, e pasamos a Febreiro. No mes anterior houbo 5 persoas que conseguiron sumar 0,33 puntos á súa nota final de trimestre. Elas foron Mariña (2º BAC), María (2º BAC), Maruxa (2º BAC), Paula (2º BAC), Bea (2º BAC) e María José (1º BAC). Para elas, e para todos os demais, este mes hai unha nova oportunidade, e para aproveitala hai que respostar correctamente a estas tres QVAESTIONES:

I. O día 4 deste mes, hai 1.801 anos, morría en certa cidade do norte de Britania (que aproximadamente 600 anos máis tarde se convertería en importante centro cultural dun Imperio europeo de curta vixencia) un Emperador romano. Disque no seu leito de morte chamou onda el ós seus dous fillos e herdeiros e deulles o consello de que, á hora de gobernar (debían facelo xuntos), mantivesen contento ó exército e non se coidasen de nada máis. Queremos saber quen era o Emperador, os seus dous fillos, e os nomes antigo e actual da cidade na que morreu.

II. Un 12 de febreiro, 170 anos antes do acontecemento da pregunta anterior, nacía un rapaz. Era fillo dun Emperador e, no mesmo momento da súa chegada ó mundo, foi proclamado herdeiro e, polo tanto, futuro Emperador. Con todo, a súa nai caíu en desgracia e foi condenada a morte. O seu pai, aínda Emperador, volveu casar, desta volta cunha muller que xa tiña un fillo dun matrimonio anterior. Este segundo rapaz foi adoptado, e á morte do seu padrastro herdou o trono. Pouco despois, a súa nai conspirou para asasinar ó seu medio irmán, cousa que conseguíu. Quen eran os dous rapaces, o Emperador e as dúas nais?

III. Cada 23 de febreiro, todos os anos, celebrábanse en Roma unhas festas na honra de certo deus. A celebración consistía en adornar con guirnaldas de flores os marcos ou límites das diferentes propiedades, e tamén en mollalos con sangue dun año ou dun leitón. De que deus se trataba e que se lle pedía con estas ofrendas?

Concurso Odisea 2012

2012-01-30T19:29:00.007+01:00

Un ano máis, a Sección Galega da Sociedad Española de Estudios Clásicos (SEEC) convoca o concurso online Odisea. E un ano máis desde o noso Centro participamos, e coa mesma ilusión de sempre.

Este ano inscribíronse estes 10 grupos:

DIVINA CEFALEA: Elena & Iván (2º BAC)
SEGUIDORAS DE SAFO: Mariña (2º BAC) e María José (1º BAC)
MAVRAE PVELLAE: Maruxa & Paula (2º BAC)
ELOQVENTIA SVMMA: María & Isa (2º BAC)
ROMANI PROXIMI: Nuria & Santi (1º BAC)
OS LEXIONARIOS: Manuel & Rubén (1º BAC)
IOHANNES ET GLORIA: Iván & Gloria (1º BAC)
MARE NOSTRVM: Joana & Iria (1º BAC)
PVELLAE RIDENTES: Sara, Lara & Ángela (4º ESO)
CONVERSE: Sheila & Sofía (1º BAC)

O concurso celebrarase entre os vindeiros días 6 e 10 de febreiro na web Odisea 2012.

MINERVA VOBIS PROPITIA SIT!

ROMANAE QVAESTIONES IV (MMXI-MMXII)

2012-01-08T21:03:00.003+01:00

Entramos nun novo ano, nada menos que o 2765º da Historia de Roma. Ese cumpreanos terá lugar, como moitos sabedes, o vindeiro 21 de abril. Ata entón (e despois, ata xuño), segue vixente a miña proposta: se contestades correctamente a tres preguntas relacionadas coa vida na Antiga Roma, cada mes poderedes sumar ata 0,33 puntos á vosa nota final do trimestre (o que fai un total de 0,99: 1 punto, redondeando).

Velaquí as Romanae Quaestiones deste mes de xaneiro:

I. Hai 2.056 anos, xustamente nas kalendae de xaneiro (o día 1), entraba en pleno vigor unha reforma que afectou á vida cotiá dos romanos da época, e que segue marcando a actual. Poderíase dicir que, sen ese cambio, os días non terían sido os mesmos desde aquel momento. A disposición legal a que nos referimos debeuse, ademais, á iniciativa de certo político, que morrería asasinado o mesmo ano, dous meses e 14 días despois. A que reforma nos referimos e quen foi o político que a instaurou?

II. Claro que, 5 anos antes, o mesmo político, que naqueles intres exercía máis ben de militar, pronunciou (ou disque o fixo) certa frase ó cruzar un río no norte de Italia. Antes de facelo pensárao ben, xa que atravesalo podía producir (e de feito producíu) un conflicto bélico de gran alcance. Como a estas alturas xa saberás o nome do personaxe, pídoche agora que averigües cal foi a frase que pronunciou (en latín coa súa traducción), ademais do nome do río.

III. 53 anos despois da morte do protagonista das dúas primeiras quaestiones, un descendente seu erixíu un gran altar nun lugar de Roma que os seus habitantes empregaban para practicar exercicios militares e para celebrar as eleccións, e que estaba dedicado ó deus da guerra. Ese altar estaba dedicado a outra divinidade, de características totalmente contrarias á anterior. Esa edificación aínda se conserva hoxe, e está bastante ben conservada. Quen foi o promotor da súa construcción e con que nome se coñece ese altar?

VTINAM HOC ANNO SAPIENTIORES SITIS!

ROMANAE QVAESTIONES III (MMXI-MMXII)

2011-12-03T11:25:00.005+01:00

Comezamos o derradeiro mes do ano, e con el unha nova oportunidade para os alumnos que seguen este blog de sumar ata un 0,33 á súa nota final do trimestre. Para iso, como sempre, hai que averiguar a resposta a tres preguntas sobre acontecementos da antiga Roma dos cales se cumpre algún cabodano.

Iso foi o que fixeron, no mes de novembro, María José (1º BAC), Sheila (1º BAC), Mariña (2º BAC), Paula (2º BAC), Maruxa (2º BAC), Isa (2º BAC) e María (2º BAC). Debería cundir o exemplo, pero alá vós.

As QVAESTIONES deste mes son as seguintes:

I. O 21 de decembro de hai 1.972 anos un Emperador romano -o terceiro dos catro que habería nese caótico ano- foi derrotado polas tropas do seu sucesor. E non só iso, senón que foi arrastrado polas rúas de Roma, golpeado e asasinado pola multitude; finalmente, o seu cadáver foi guindado ó Tíber. Quen era este Emperador, quen foi o seu sucesor, e quen os seus dous antecesores no cargo o mesmo ano?

II. O 23 de decembro de cada ano celebrábanse en Roma unhas festas relixiosas. Nelas ofrecíase un sacrificio a certo personaxe feminino, esposa de certo pastor, que se fixo cargo da crianza de dous rapaces moi vencellados á fundación da cidade. Queremos saber como se chamaban o pastor e a súa muller e, por suposto, con que nome se coñecían estas festas

III. Hai 1.737 anos certo Emperador estableceu que cada 25 de decembro Roma debía render culto ó Sol, deidade que ata aquel momento era pouco importante entre a multitude de deuses ós que adoraban os romanos. O gobernante ó que nos referimos estableceu que desde entón nesa data a adoración ó Sol debía ter maior protagonismo, e para iso deulle un novo nome, aproveitando unha festa propia da relixión siria. Quen era este Emperador e como denominou a ese novo culto?

Romani eorumque Dei

2011-12-02T19:26:00.003+01:00

Los romanos y sus dioses (Alianza Editorial, 1995) é un libro no que Robert M. Ogilvie describe con precisión e brevidade como era a relación dos romanos cos seus deuses: a súa xerarquía e importancia na vida pública e privada, as oracións que lles dirixían, os medios de adiviñar a súa vontade... É moi de agradecer tamén o capítulo que lle dedica ó calendario de festas relixiosas, comentando as máis importantes mes a mes; e explica tamén moi ben a composición e funcións dos diferentes colexios ou gremios sacerdotais. E todo en a penas 150 páxinas dun libro de peto.

ROMANAE QVAESTIONES II (MMXI-MMXII)

2011-11-02T17:53:00.006+01:00

Como adoita acontecer hai moito tempo máis ou menos por estas datas, rematou outubro. E outubro é o primeiro mes no que podemos facer balance da oferta que tedes neste blog para aumentar ata nun punto a vosa nota final de trimestre. Lembrade: cada mes aparecerán tres preguntas neste blog relacionadas con acontecementos da Antiga Roma dos que se cumpre o seu aniversario. Se investigades con acerto e certa calma (tedes todo un mes para iso), poderedes sumar 0,33 puntos ó mes; multiplicando esa cifra por tres, obtedes 0,99, cantidade que, graciosamente, será redondeada en 1.

No mes que ven de rematar, Alba (1º BAC) ten xa acumulados 0,22 puntos, mentres que o máximo de 0,33 foi conseguido por Mª José (1º BAC), Sheila (1º BAC), Mariña (2º BAC), Maruxa (2º BAC) e María (2º BAC).

Despois de toda esta información, as Romanae Quaestiones do mes de novembro son estas:

I. O 3 de novembro de hai 1.972 anos nacía, nunha cidade do sur de Hispania que séculos máis tarde se faría moi famosa por un espectacular templo musulmán, un poeta. A súa familia estaba ben situada: era sobriño dun intelectual e filósofo que tivo ó seu cargo a educación dun Emperador aficionado á música e, segundo din, ó lume. Das súas obras (das do poeta, queremos dicir), só conservamos unha. Debedes buscar o nome completo deste autor literario, o do seu tío, e o do Emperador (para este último abonda co apelativo polo que é máis coñecido).

II. Certo avogado que hai 2.054 anos foi asasinado polo amante da máis famosa raíña de Exipto de todos os tempos, pronunciou, dous anos antes de morrer, un discurso xudicial na defensa dun rei oriental, que estaba acusado de tentar asasinar ó máis importante político da época (que, por certo, sería realmente asasinado a penas un ano despois). Queremos saber o nome do avogado, o do acusado, e o título co se que coñece o seu discurso.

III. Comezabamos cun poeta, e rematamos con outro. Hai 1.949 anos, un 24 de novembro, morría certo autor de versos latinos, por causa dunha enfermidade estomacal. A obra que conservamos del é moi cativa, pero pertence a un xénero literario que os romanos consideraban exclusivamente orixinal seu, libre de influencias gregas. Quen era este poeta e como se titulaba a súa obra?

Pulchrum vinculum!

2011-11-02T17:45:00.005+01:00

É ben certo que o buscador de imaxes de Google é unha potente ferramenta. Con todo, á hora de buscar imaxes da Roma antiga, Maecenas permite acceder a un número considerable de fotografías relacionadas coa Cidade Eterna e o Imperio Romano.

O aspecto gráfico que ofrece non está moi traballado, pero resulta cómodo navegar por esta páxina, e permítenos disfrutar de vistas, como esta do Panteón de Agripa, hai xa uns cantos anos, se xulgamos polos vehículos que se ven diante e nun lateral:

ROMANAE QVAESTIONES I (MMXI-MMXII)

2011-10-04T18:24:00.007+02:00

Como xa sabedes moitos de vós, cada mes é posible aumentar ata en 0,33 puntos a nota final do trimestre se contestades correcta e individualmente a tres preguntas que aparecerán neste blog. Todas elas terán que ver con acontecementos da historia da Antiga Roma dos cales se cumpre algún aniversario. Como se pode comprender doadamente, se sodes constantes, a final do trimestre podedes sumar ata 1 punto á nota resultante dos exames e exercicios.

Pois no mes de outubro non é necesario ir máis aló do primeiro día para atopar efemérides romanas. Velaí van:

I. Hai 2.097 anos nacía, na vila de Amiterno, o primeiro historiador romano do cal conservamos unha cantidade de texto apreciable. En concreto, trátase de tres monografías, dúas delas centradas en dous personaxes de certa importancia para a Historia de Roma, e outra de ámbito máis xeral (esta perdeuse na súa maior parte). Por suposto, pedimos o nome completo do historiador e o título das súas obras.

II. Nada menos que 294 anos despois, naceu un rapaz que, sen deixar de selo (ós 13 anos), chegaría a ser Emperador, gracias a que previamente fora adoptado como fillo polo seu curmán, o Emperador anterior, de nome certamente solar. Quen eran estes dous Emperadores e entre que datas gobernaron?

III. Todos os días 1 de outubro, tres sacerdotes dedicados, respectivamente, ó culto a Xúpiter, Marte e Rómulo (divinizado como fundador da cidade), ían nun carro descoberto a un templo de certa deusa para ofrecerlle un sacrificio. Mentres oficiaban, mantiñan a man dereita, consagrada a esa deusa como símbolo de compromiso, envolta nun pano branco. De que deusa se trataba e como se chamaban, xenericamente, eses tres sacerdotes?

SAPIENTIA VOBIS ADSIT!

Novum initium! Avete!

2011-10-04T18:04:00.007+02:00

Novum cursum incipimus! Avete omnes, alumni navigatoresque!

Pois si: aquí estamos de novo, o cal, en principio, é bo sinal.

Este ano, como os anteriores... achegarémonos de varias maneiras á lingua latina e á cultura de Roma, a través das nosas clases de 4º ESO, 1º BAC (dous grupos) e 2º BAC. Un total de 45 alumnos.

Que dicir dos primeiros días? Pois que un cóctel interesante de caras novas e... non direi vellas, senón xa coñecidas.

Que se pretende para todos? Nada novo, en esencia: é o que teñen o Latín e a Antiga Roma, pois levan moito tempo estando aí e, contra o que algúns pensen, seguirán a estar.

Nada novo en esencia, diciamos, mais si miradas novas a un campo do saber que, crédeo, paga moito, pero que moito a pena.

Un bo exemplo é o libro Gabinete de curiosidades romanas, de J. C. McKeown (Crítica, 2011): un feixe de anécdotas extraídas das fontes da propia Antigüidade (historiadores, xuristas, poetas...) . Moitas delas son xa coñecidas polos iniciados, pero outras moitas non o son tanto. Por iso pode ser un xeito moi agradable de mergullarse na Antiga Roma: un baño do máis saudable.

Máis nada de momento.

Valete. Cito redibimus!

Pronominalis Saltatio

2011-06-18T18:45:00.005+02:00

Musica iterum!

Haec est Pronominalis Saltatio, ab alumnis Secundi Cursus Baccalaureatus quoque canta.

Pois iso: que aquí deixamos a Pronominalis Saltatio (ou Rock Pronominal), que tiveron a ben cantar e gravar (coa mesma indumentaria que na anterior canción) os rapaces de 2º BAC.

Agora só falta que se animen os dos demais cursos!

Carmen Declinativum: Nova versio

2011-06-18T17:49:00.004+02:00

Hic est nova versio Carminis Declinativi, ab alumnis Secundi Cursus Baccalaureatus canta.

Spero ut vobis grata sit.

Iterum iterumque gratias maximas vobis ago.

Pois si: aquí está xa a nova versión do Carmen Declinativum, cantada polos alumnos de 2º de Bacharelato deste ano, convenientemente vestidos para a ocasión. E, para que ninguén se perda, con subtítulos.

Mais non remata aquí a cousa: en breve, o Rock Pronominal (tal e como promete o final do Carmen Declinativum, por outra parte).

Qualificationes Primi Cursus Baccalaureatus!

2011-06-17T17:26:00.005+02:00

Aquí vos deixo esta táboa de notas, que debedes interpretar como segue.

Na primeira columna, empezando pola esquerda, están os vosos nomes en iniciais.

Na segunda aparecen as notas do exame de hoxe á mañá.

Na terceira columna puxen as notas do que sería o 3º trimestre, logo de combinar a nota do exame coas dos exercicios (cuestionarios, frases e demais) e a actitude. Lembrade que a proporción é un 60% para o exame, un 25% para os exercicios, e un 15% para a actitude.

Finalmente, na derradeira columna tedes a nota final de xuño, agás nos casos sinalados en vermello. Eses alumnos deberán facer un exame máis, o vindeiro xoves día 23, e que terá un formato case idéntico ó de hoxe.

Para calquera dúbida que teñades, estou á vosa disposición desde o luns a segunda hora da mañá. Xa sei que tedes exames, pero se me buscades, son doado de atopar: na Biblioteca

ROMANAE QVAESTIONES (MMX-MMXI)-IX

2011-06-06T20:09:00.004+02:00

Co final do mes de maio rematou tamén a posibilidade de sumar 0,33 puntos á nota final deste trimestre. Con todo, esa ocasión non foi desaproveitada por Mª José (4º ESO), Sheila (4º ESO), Mariña (1º BAC), María (1º BAC) e Isa (1º BAC).

Para elas, e tamén para todos os demais, aquí van as derradeiras ROMANAE QVAESTIONES deste curso. Mihi placuit maxime ut laboraveritis! (ou sexa, que foi un pracer facervos traballar...). Lembrade: 0,33, 0,33, 0,33, 0,33, 0,33, 0,33...

I. Cada 11 de xuño, as mulleres romanas univirae ían ó templo de certa deusa a renderlle homenaxe mediante uns ritos que hoxe nos parecen estranos: facían entrar no templo a unha escrava para botala fora a golpes; logo, pregaban á deusa polos seus sobriños, ós que levaban no colo. Que significa univirae e a que deusa me estou a referir?

II. Hai 2.051 anos, o 13 de xuño, nacía un xeneral romano de cognomen bastante rural que obtivo sona no seu tempo por ter participado no sometemento definitivo da illa de Britannia ó Imperio Romano. A súa vida énos moi coñecida porque certo historiador romano -para moitos estudiosos o máis sobranceiro- casou coa súa filla e escribíu a súa biografía. De que xeneral estamos a falar e como se chamaba o seu biógrafo?

III. O 26 deste mes, hai 1.648 anos, morría nunha batalla contra os persas un Emperador romano que foi único na súa época, pois cando chegou ó trono tomou certa decisión importante en materia relixiosa. O alcume co que é coñecido na Historia refírese precisamente a esa posición que tomou. Quen era este emperador e que significa exactamente o seu alcume?

Qualificationes Secundi Cursus Baccalaureatus

2011-05-10T19:57:00.007+02:00

Dilecti alumni Secundi Cursus Baccalaureatus:

Hae sunt qualificationes ab examine quod hodie effecistis. Videre quoque poteritis qualificationes ultimae partis cursus; etiam apparent qualificationes definitivae huius anni. De eis quaestiones quaslibet, cras

Ou sexa, que velaquí tedes as notas do exame de hoxe. Tamén vos poño, logo de ter en conta os cuestionarios e a actitude, a final do 3º trimestre (hipotética, pois non figura nos boletíns de notas). Na derradeira columna tedes a nota final do curso, despois de realizar unha media ponderada dos tres trimestres, dando algo máis de peso á nota do trimestre definitivo.

Para calquera dúbida que teñades, estou á vosa disposición estes días no Centro.

ROMANAE QVAESTIONES (MMX-MMXI)-IX

2011-05-02T20:16:00.003+02:00

Achégase o fin do curso. Quizais algúns de vós precisen ir acumulando puntos pensando na nota final. Polo menos, iso é o que andaban pensando Mª José (4º ESO) e Isa (1º BAC), pois elas resolveron correctamente as preguntas do mes pasado: xa teñen 0'33 puntos máis cada unha delas.

As quaestiones deste mes son as seguintes:

I. Hai 2.009 anos, un 12 de maio, certo persoeiro romano, que 44 anos antes vencera nunha batalla ós asasinos do seu tío avó, inaugurou un templo situado nunha praza que el mesmo mandou construír. Quen inaugurou o templo, a que deus estaba dedicado, e que batalla conmemoraba?

II. Todos os anos, cada 23 de maio, os artesáns fabricantes de certos instrumentos musicales de vento-metal celebraban unha festa na que purificaban ritualmente eses instrumentos, na honra do deus que patrocinaba a súa actividade e que, segundo a tradición, vivía en certo volcán da illa de Sicilia. De que instrumentos musicais estamos a falar, que deus interviña neste rito, e como se chama o volcán?

III. O 25 de maio de hai 2.026 anos nacía un neno que non chegaría a ser Emperador, pero que sería pai dun e avó doutro, ademais de conseguir importantes éxitos militares no norte de Europa, debido ós cales recibíu o alcume polo é máis coñecido. A que persoeiro nos referimos, e quen foron os dous descendentes mencionados?

Carmen Declinativum: Nova Versio

2011-04-06T17:23:00.003+02:00

Gravada a finais do curso pasado polos alumnos de Latín de 4º da ESO, a quen lles agradezo sinceramente a súa colaboración, esta é a nova versión do Carmen Declinativum, co que apredemos os casos latinos e as desinencias das dúas primeiras declinacións.

Nesta ocasión, o video ten subtítulos, por se a alguén se lle ocorre facer karaoke.

2011-04-05T18:04:00.003+02:00

Anunciamos con ledicia a posta en marcha, na Aula Virtual do noso Centro, de tres cursos de Latín: están deseñados para 4º ESO, 1º BAC e 2º BAC, aproveitando as utilidades da Plataforma Moodle, na que se basea esa Aula.

Como saben os alumnos, os cursos levan xa un par de meses funcionando, aínda que ata este momento non estaban a disposición dos internautas todos os materiais.

Os cursos teñen as mesmas denominacións que as libretas que editamos a modo de libros de texto: Ad Latinitatem (4º ESO), Latinitas Nostra I (1º BAC) e Latinitas Nostra II (2º BAC). Están divididos, de novo igual que as libretas, en 12 Lectiones ou Unidades Didácticas. Neles aparecen todos os materiais preparados para o seu seguemento case día a día: textos, presentacións audiovisuales, webs de elaboración propia, e tamén enlaces interesantes e relacionados coas materias. Finalmente, cada Lectio é obxecto de valoración a través da cumprimentación obrigatoria por parte do alumno dunha serie de cuestionarios que ofrecen, a maior parte deles, a calificación de forma inmediata.

No Departamento estamos moi ledos (id est, estou moi ledo) de ter conseguido botar a andar este novo medio para as relacións académicas cos alumnos, e agardamos que resulte útil para todos. Pouco a pouco, agardamos, iremos mellorando o servicio, corrixindo os erros que poida haber, e aportando novas ideas.

Estes son os enlaces para os cursos, que quedarán incorporados na sección Vincula deste blog (na columna da esquerda):

Ad Latinitatem (4º ESO)
Latinitas Nostra I (1º BAC)
Latinitas Nostra II (2º BAC)

DOCENTIAE SEMPER FIDELES

ROMANAE QVAESTIONES (MMX-MMXI)-VII

2011-04-05T17:47:00.003+02:00

Aínda que os boletíns de notas aínda non foron entregados, no Departamento de Latín xa demos por rematado o trimestre, co cal as ROMANAE QVAESTIONES do mes de marzo xa cumpriron a súa función. Sobre todo para Mª José (4ª ESO) e Mariña (1º BAC), que as contestaron.

Por moito dicilo e avisalo non será: comeza o derradeiro trimestre, o máis decisivo en moitos casos, e as ROMANAE QVAESTIONES son unha boa oportunidade para sumar ata 1 punto na nota final. Vós veredes (claro que para iso hai que visitar o blog).

Para este mes de abril, estas son as preguntas:

I. O 6 deste mes, hai 1.609 anos, un xeneral romano, pero de orixe bárbara, venceu en certa batalla a outro xeneral, este bárbaro (visigodo, por máis señas), quen oito anos despois saquearía a cidade de Roma. E isto aconteceu 800 anos xustos logo de que un inimigo estranxeiro o fixera por última vez ata ese momento. Quen era o xeneral vencedor, con que nome se coñece a batalla, quen era o xeneral visigodo, e que inimigo estranxeiro saqueara Roma anteriormente?

II. Un 8 de abril, 185 anos antes da batalla mencionada na anterior quaestio, morría un Emperador, coñecido por un alcume que aludía a unha prenda de vestir de orixe gala, e que sempre levaba posta. A que alcume nos referimos, cal era o nome auténtico do Emperador, e como morreu?

III. Cada 28 de abril, en Roma celebrábanse unhas festas na honra de certa deusa. Eran especialmente queridas polos panadeiros e muiñeiros. Nelas facíase participar ós asnos e ás pedras de muíño, adornando a uns e outras con guirnaldas de flores e deixándolles descansar ese día. Como se chamaban as festas e a que deusa estaban dedicadas?

ROMANAE QVAESTIONES (MMX-MMXI)-VI

2011-03-04T17:43:00.004+01:00

Xa concluímos un mes máis do curso, e falta menos da metade para rematar. Tamén é certo que estamos nunha fase na que os rapaces se xogan unha porcentaxe importante do resultado final que han de acadar. Por iso, razón de máis para aproveitar a oportunidade que desde este blog vos ofrezo de aumentar ata un punto a nota final do trimestre. Xa houbo quen o fixo este mes de febreiro que ven de rematar: Mª José (4º ESO), Mariña (1º BAC), Paula (1º BAC) e Isa (1º BAC) sumaron un tercio do punto.

Para elas, e para todos os demais, estas son as preguntas do mes de marzo:

I. O 1 de marzo de hai 2.097 anos, un xeneral romano pertencente a unha rama da mesma familia que o vencedor de Aníbal conquistaba unha importante cidade grega na que se atopa un fermoso templo que ten por columnas unhas figuras femininas. Cal era o nome completo do xeneral, de que cidade se trataba e a que templo nos referimos?

II. Máis tarde, concretamente 41 anos despois, un 17 de marzo, outro xeneral a quen o da pregunta anterior lle perdoara a vida cando era moi novo, remataba unha guerra civil de case catro anos nunha batalla que tivo lugar preto dunha vila situada na actual provincia de Córdoba, e que hoxe ten sona polos seus viños. De que xeneral estamos a falar e como se chamaba naquela época a vila?

III. Un ano despois de vencer nesa batalla, o xeneral en cuestión morría asasinado, e durante os seus funerais, o día 21 de marzo, producíronse serios disturbios na cidade de Roma, debido a que os partidarios do finado quixeron vingarse rapidamente. Houbo mortos, e un deles foi un poeta a quen a multitude confundíu cun dos sospeitosos do asasinato, xa compartían o mesmo cognomen. De que poeta se trataba e con quen o confundiron?

CONCVRSVS ODISEA 2011

2011-03-04T17:18:00.003+01:00

Rematou a nosa participación no Concurso Odisea 2011, e este ano pódese dicir que fixo honor ó nome.

Como xa sabedes, tiñamos cinco equipos clasificados para a fase de desempate en Galicia. A organización convocounos no IES de Ames o 9 de febreiro (e aló fomos, coa comida na boca). Todo ía saíndo bastante ben, e mellor aínda ó final da tarde. Tan ben saíra que a páxina web daba como resultado provisional como gañadores a DIVINA CEFALEA (Elena e Iván) e en terceiro lugar a MAVRAE PVELLAE (Maruxa e Paula). Por desgracia, a xestión informática do concurso fallou porque a web non recoñeceu as respostas de varios grupos participantes noutras sedes.

Diante disto, os organizadores decidiron repetir o desempate unha semana despois, no mesmo lugar e á mesma hora. Repostos da decepción (ben: algúns non de todo), iamos agarrar o bus outra vez o día 16, pero unha alerta meteorolóxica fixo que a Consellería de Educación prohibise as actividades extraescolares. Co fin de poder levar a cabo a xornada, a organización enviou ó noso Centro un responsable para vixiar o comportamento dos nosos grupos (por certo, Álvaro: moitas gracias polo esforzo).

Desta vez a sorte (e a sapiencia) non nos acompañou tanto, pero é para estar ledos, pois os resultados foron estes:

6º posto: MAVRAE PVELLAE (Maruxa e Paula)
7º posto: DIVINA CEFALEA (Elena e Iván)
10º posto: WEWE (Amalia e Isa)
11º posto: TACITAE PVELLAE (Jenny e Mariña)

Así que, pola miña parte, estou moi satisfeito, pois seguimos a manter un bo nivel na nosa participación neste concurso. O de gañar xa se sabe que é complicado, e depende de varios factores: aí reside un chisco o encanto.

Moitas gracias, de verdade, pola vosa participación e esperamos facer, como mínimo, o mesmo na edición do vindeiro ano. E se non, lembrade que do que se trataba, principalmente, era de pasalo ben ó tempo que aprendiamos algo. Déixovos coas fotos que tomamos o primeiro día:

IVIMVS, CERTAVIMVS, GAVISI SVMVS

CONCVRSVS ODISEA 2011

2011-02-08T10:45:00.003+01:00

Rematou xa a fase inicial do Concurso Odisea 2011 e, unha vez máis, conseguimos ter equipos clasificados para o desempate, que terá lugar mañá mércores día 9 no IES de Ames, a partir das 16:00. Alá iremos, a ver se Minerva e Fortuna seguen a sernos propicias.

Os grupos clasificados son:

DIVINA CEFALEA (Elena e Iván)
MAVRAE PVELLAE (Maruxa e Paula)
TACITAE PVELLAE (Jenny e Mariña)
WEWE (Amalia e Isa)
WICHIWI (Camila, Judit e María)

Saímos ás 14:45, así que só nos dará tempo a comer un nadiña.

ROMANAE QVAESTIONES (MMX-MMXI)-V

2011-02-02T21:00:00.004+01:00

De novo por aquí para propoñer outra serie de tres preguntas para mellorar ata nun punto a nota final do trimestre.

Por certo, que este mes os alumnos seguidores deste blog terán dobre traballo, xa que varios deles participan na nova edición do concurso Odisea 2010, organizado pola Sección Galega da Sociedad Española de Estudios Clásicos. Temos oito grupos inscritos. Moita sorte e sapiencia a todos!

Volvendo ás nosas cuestións mensuais, aquí están:

I. O 4 de febreiro de hai exactamente 1800 anos morría na cidade romano-británica de Eburacum un Emperador romano de serio nome. Disque cando estaba no seu leito de morte chamou ós seus dous fillos e díxolles que se coidaran só de manter contentos ós soldados do exército e esquecesen todo o demais. Como se chamaba o Emperador, cal era o nome dos seus dous fillos e cal é a denominación actual da cidade onde morreu?

II. O 12 de febreiro, 223 anos antes do anterior, morría tamén un persoeiro romano. Foi o principal colaborador do sobriño-neto de César, a quen servíu sobre todo no campo militar. Chegaron a selar a súa amistade cunha voda: casou coa filla do seu xefe. Quen era este importante soldado, como se chamaba o seu xefe, cal era o nome da súa esposa e cantos fillos tivo con ela?

III. Abonda de mortes. Agora, unha festa: o 23 de cada mes de febreiro os romanos honraban a certo deus nunha celebración que consistía en adornar con flores os marcos que dividían as propiedades; tamén facían ofrendas a estas pedras e rociábanas con sangue de cordeiro ou leitón. Como se chamaban estas festas e que deus era honrado nelas?

MVLTO ADIUVANT PATIENTIA CONSTANTIAQVE

ROMANAE QVAESTIONES (MMX-MMXI)-IV

2011-01-10T23:19:00.003+01:00

FELIX INTROITVS IN NOVVM ANNVM MMXI

Iterum hic sumus! Asomamos de novo á rede para continuar co diario do curso e, como cada principio de mes, propoñer novas cuestións nas que se poñen a proba as capacidades de búsqueda, e tamén as gañas de sumar puntos, dos meus alumnos. Aquí vos deixo as ROMANAE QVAESTIONES do mes de xaneiro:

I. O 7 de xaneiro de hai 2.115 anos un rei de certa parte de África era esganado (segundo outras versións, deixado morrer de fame), no pequeno e escuro cárcere do Tullianum, próximo ó Foro Romano. Este monarca levaba varios anos sendo un incordio para as lexións romanas no seu país, e a súa historia foi obxecto dunha monografía por parte dun historiador máis coñecido polo relato dunha importante conspiración desartellada no ano 63 a.C. Como se chamaban o rei, o seu reino, e o historiador en cuestión?

II. Catro días máis tarde (11 de xaneiro) de hai 1.663 anos nacía na vila hispana de Cauca o que sería derradeiro gobernante do Imperio Romano unificado. Pedimos o nome do Emperador, o nome actual da vila na que naceu, e a provincia, tamén actual, na que se atopa.

III. Un 13 de xaneiro de 18 anos despois da execución do rei mencionado na primeira quaestio, morría de enfermidade o xeneral romano que conseguira derrotalo. A súa morte aconteceulle durante un conflicto civil que o enfrontou a outro xeneral, que gobernou roma con man de ferro logo de tomala por asalto dúas veces, e que estivera ó seu servicio, precisamente na guerra contra o monarca africano. Quen eran estes dous militares?

QVAERITE, INVENITE, VINCITE

Praemium: Mención Especial nos VIII Premios Educacompostela

2010-12-02T19:12:00.003+01:00

Teño o indisimulado pracer de comunicar que o pasado día 29 de novembro, nun acto celebrado no Salón do Concello de Santiago de Compostela, recibimos a Mención Especial que o xurado dos VIII Premios Educacompostela decidíu conceder ó traballo Ad Latinitatem. Como saben os meus alumnos, ese é o título do libro de texto de elaboración propia que empregamos en 4º da ESO.

O xurado valorou ese libro, así como o demais material que o acompañaba (sobre todo as presentacións dixitais e o vídeo gravado a finais do curso pasado coa canción que empregamos para aprender os casos e as declinacións latinas (Carmen Declinativum), e decidíu conceder a Mención por pola súa orixinalidade, creatividade e innovación á hora de tratar o latín co alumnado de 4º da ESO. Cobre un baleiro de materiais que non existía para estas idades e propón unha metodoloxía alternativa para a ensinanza do latín diferente do libro de texto, ademais de integrar as áreas musicais coa ensinanza desta materia.

Agradezo desde este blog a distinción e quero compartila cos meus alumnos, tanto do curso pasado como dos anteriores, pois quero pensar que Ad Latinitatem é o froito do traballo que desenvolvemos nas aulas do IES Fontexería: a educación é sempre unha viaxe de ida e volta.

GRATIAS MAXIMAS VOBIS AGO

A seguir, uns enlaces onde se pode atopar máis información e algunhas fotos do acto:

Crónica na páxina do Concello de Santiago
Crónica en La Voz de Galicia, edición de Santiago
Crónica en El Correo Gallego

Fotos:

ROMANAE QVAESTIONES (MMX-MMXI)-III

2010-12-02T18:41:00.003+01:00

Ven de rematar o mes de novembro, e de novo hai que felicitar ós alumnos que conseguiron sumar 0,33 centésimas á súa nota final de trimestre. Lembrade: ata 1 punto máis por ser fieis a esta actividade durante 3 meses. Neste caso, as rapazas que decidiron esforzarse por unha boa causa (a súa propia) foron María José (4º ESO), Mariña (1º BAC), Alba (1º BAC), Paula (1º BAC), Maruxa (1º BAC), María (1º BAC) e Isa (1º BAC).

Noraboa a todas, e ánimo a elas e a todos os demais para seguir. Estas son as preguntas do mes de decembro:

I. Unha das cuestións do mes pasado referíase ó poeta Lucano. Nesta oportunidade referímonos a outro poeta, compañeiro de estudios do anterior, nacido un 4 de decembro de hai 1.976 anos. Especializouse no xénero da sátira e tivo, como o seu amigo, unha vida bastante curta: morreu ós 28 anos, víctima dunha enfermidade estomacal. De quen estamos a falar? Demandamos o nome completo (como todos os nomes romanos, tiña tres partes).

II. Todos os días 15 de decembro celebrábase en Roma a, por así dicilo, segunda parte dunhas festas dedicadas a un deus tradicional romano vinculado ós labores agrícolas (a primeira parte tiña lugar cada 21 de agosto). Nesta festividade corríanse carreiras de carros tirados por mulos, e deixábase descansar ós animais que se usaban para traballar os campos. Como se chamaban estas festas e en honra de que deus eran?

III. Hai 1.941 anos, o 21 de decembro, un emperador romano foi capturado, arrastrado e golpeado polas rúas da cidade. Como remate deste suplicio, foi asasinado por unha multitude, para logo ser botado ó Tíber. Pouco lle durara o poder, pois tivo este final o mesmo ano que fora proclamado emperador. Pedimos averiguar quen era e quen foron os emperadores inmediatamente anterior e posterior a el.

PRVDENTIA, SAPIENTIA, SCIENTIA

ROMANAE QVAESTIONES (MMX-MMXI)-II

2010-11-01T14:02:00.004+01:00

October mensis finitus!

Ou sexa, que xa rematou o mes de outubro, comeza o de novembro, e con el unha nova oportunidade para sumar unhas décimas á vosa nota final de trimestre. Quen xa o conseguiron foron María (4º ESO), xunto con Mariña, Maruxa e Isa (1º BAC). A ver se alguén máis se anima coas deste mes. Aí van.

I. Hai 1.971 anos nacía en Hispania un poeta, sobriño dun persoeiro importante -tamén escritor- da corte do Emperador Nerón. Escribíu un poema épico sobre a guerra civil entre César e Pompeio, e máis tarde, cando só contaba 26 anos, foi obrigado a suicidarse por ter presuntamente participado nunha conspiración contra o Emperador. Quen era o poeta, de quen era sobriño, e como se titula o poema?

II. Cada 4 de novembro, e ata o 17, Roma estaba de festa, pois celebrábanse uns ludi na honra de determinada divinidade. Quen era o deus ou deusa, e como se chamaban, en latín estas festividades?

III. Precisamente un día desas festas, o 13 de novembro, organizábase un banquete popular na honra da divinidade a que se dedicaban os xogos. Para a ocasión dispoñíanse moitas mesas, nas que se reservaban lugares para as imaxes do deus ou deusa homenaxeados, xunto con outras dúas divinidades olímpicas. Como se chamaba o colectivo que organizaba a comida, e que dúas divinidades acompañaban á principal?

ITER LATINITATIS AMBVLATE!

LIBRI COMMENDATI

2010-10-13T22:17:00.002+02:00

Avete, internautae

Nesta presentación tedes as lecturas que recomenda o Departamento para achegarse á antiga Roma. Tede en conta que están feitas con moito agarimo: se o dubidades, seguide algunha deas e veredes como non quedades defraudados. Por certo, tamén está dispoñible esta presentación no blog da nosa Biblioteca (e quedará permanentemente na sección Vincula deste blog noso: á esquerda da páxina).

Lecturas recomendadas Latín

View more presentations from Alfonso Blanco.

LEGERE LEGERE LEGERE LEGERE LEGERE LEGERE LEGERE LEGERE LEGERE LEGERE

ROMANAE QVAESTIONES (MMX-MMXI)-I

2010-10-09T17:26:00.002+02:00

Avete, dilecti internautae!

Co comezo do curso retomamos a fantástica oferta que realizamos neste blog cada mes do curso escolar. Cambiamos ata 1 punto na nota final do trimestre pola vosa habilidade para buscar, neste mesmo ciberespacio, as repostas ás preguntas (3 cada mes) sobre efemérides de acontecementos que tiñan lugar na Antiga Roma. Velaí van as do mes de outubro:

I. Todas as kalendae deste mes (ou sexa, o que sería para nós o día 1), os romanos honraban a unha deusa á que conviña ter contenta se non querías que che traizoase. Os flamines (sacerdotes) de Xúpiter, Marte e Quirino (Rómulo no seu nome divino), ían en carro descuberto ó templo desta deusa, onde lle ofrecían un sacrificio, durante o cal mantiñan envolta a súa man dereita nun pano branco. De que deusa estamos a falar?

II. Tamén un primeiro de outubro, neste caso de hai 1.802 anos, nacía en Roma unha persoa que chegaría a ser emperador moi noviño, antes dos 15 anos de idade. Herdou o cargo do seu curmán, que o adoptara como fillo. Quen eran os dous emperadores (o adoptador e o adoptado) e a qué idade exacta chegou o segundo ó tono imperial?

III. O día 20 deste mes cumpriranse 2.212 anos dunha victoria militar que trouxo moito alivio a Roma, xa que levaba case 20 anos loitando contra o que, ata a caída do Imperio, resultou ser o seu pior inimigo. Durante esa longa guerra, Roma estivo a punto de ser derrotada, co que a historia tal como a coñecemos tería sido diferente. Ese triunfo tivo lugar no continente africano, nunha batalla na que se enfrontaron dous xenios militares, cuxas tácticas aínda se estudian hoxe en día. Queremos saber o nome con que se coñece a batalla, cal era a potencia inimiga de Roma, e tamén o nome dos dous líderes militares de cada bando (o romano e o outro).

QVAERITE ET INVENiETIS

POST AESTATEM, IN SCHOLAM REGREDIMVR

2010-09-25T12:17:00.003+02:00

Efectivamente, despois do verán, voltamos ó traballo (xa sabiamos que ía ser así, por outra banda).

En primeiro lugar, gustaríame dar a benvida ós novos alumnos de Latín, tanto en 4º da ESO como en 1º de Bacharelato. Espero que o pasemos o mellor posible durante o curso, aprendendo algunhas cousas sobre a lingua e a cultura de Roma. Iso si: xa sabemos que algo teremos que traballar. O noso obxectivo é, como dicían os bos mestres romanos, PRODESSE ET DELECTARE (algo así como "aprender disfrutando" ou "disfrutar da aprendizaxe").

Por suposto, os mesmos desexos van para os que siguen sendo alumnos meus, tanto os que repiten curso (por sorte, os menos, e ós que lles desexo moita sorte) como os que conseguiron promocionar.

En todo caso, douvos as gracias a todos por elexir esta materia dentro da oferta de optativas do sistema. GRATIAS MAXIMAS VOBIS AGO!

Para comezar o curso sen perder de vista o obxecto da nosa asignatura, aquí vos deixo un enlace cunha reconstrucción virtual de parte da Roma antiga, tal e como debeu ser no ano 320 a.C., aproximadamente. Está elaborado polos responsables da iniciativa Rome Reborn.

Paseo virtual pola Roma do s. IV d. C.

Attendite, alumni Quarti Cursus!

2010-06-14T11:09:00.002+02:00

Avete, cari pueri puellaeque!

Na seguinte táboa tedes unha serie de datos que vos interesan. Debedes interpretalos deste xeito:

- Na columna central tedes dúas notas: á dereita está a do exame desta mañá, e á esquerda, separada por unha barra, a nota deste derradeiro trimestre.

- Na columna da dereita está, en letra negriña, a nota final de xuño (a día de hoxe). Entre parénteses tedes as notas dos trimestres anteriores, incluíndo este terceiro.

O xoves, na clase, dareivos as aclaracións que demandedes.

ALUMNO	NOTA EXAME/ NOTA 3º TRIMESTRE	NOTA XUÑO (NOTAS TRIMESTRES)
B. C. M.	5,6/5,235	6 (5-6-5)
A. F. F.	4,6/5,21	5 (5-5-5)
G. F. L.	8,4/7,815	9 (9-8-8)
A. F. N.	5,4/4,94	6 (6-6-5)
A. F. G.	6/5,05	6 (7-6-5)
T. G. L.	4,4/4,64	5 (5-5-5)
C. P. F.	1,9/2,54	(rec.)
S. R. S.	4,4/4,54	5 (5-5-5)
P. G. S.	8,3/8,085	8 (7-8-8)
M. H. C.	5/5,575	7 (7-6-6)
A. M. F.	5,1/5,235	6 (5-6-5)
M. P. C.	7,5/7,135	7 (6-7-7)
C. R. R.	3,4/4,59	6 (7-5-5)
I. V. R.	7,9/7,12	7 (7-7-7)
L. A. R.	0(NP)/1,025	(rec.)
J. G. F.	4,7/4,97	6 (*-6-5)

Attendite, alumni Primi Cursus Baccalaureatus!

2010-06-10T13:41:00.003+02:00

Avete, dilecti alumni!

Na seguinte táboa tedes as notas do exame de hoxe á mañá, a nota ponderada do terceiro trimestre e, na derradeira columna, as notas finais de xuño tal e como quedarían a día de hoxe.

Se vos sorprenden algunhas notas finais por diferiren bastante da nota do trimestre (por exemplo, hai quen sube dun 5,701 a un 7), pensade que para as calificacións de xuño se teñen en conta tamén as notas dos dous primeiros trimestres. En todo caso, mañá dareivos as explicacións pertinentes.

Por outra banda, lémbrovos que podedes acudir ó exame de recuperación do vindeiro xoves 17 (en principio pensado para aqueles que teñen que recuperar parte da materia), a subir nota.

ALUMNO	EX. PRÁCTICO	3º TRIMESTRE	XUÑO
C. A. M.	5,25
A. C. L.	7,5	6,655	7
T. C. P.	7	5,914	7
A. Del R. F.	8,5	6,824	7
S. F. F.	5,5	5,84	7
T. F. C.	9	8,232	9
M. F. F.	6,25	5,517	6
T. L. E.	5,5	5,124	5
R. M. De O.	5,75	5,537	6
I. M. J.	7	5,061	5
S. M. R.	4	4,168
A. P. P.	6	6,193	6
G. R. F.	0 (NP)	1,1
N. R. M.	5,75	5,701	7
F. R. P.	6,5	6,073	6
A. R. L.	7,25	6,141	7
C. S. G.	9,75	9,513	10
A. S. M.	5,5	6,006	7
P. T. R.	5	5,008	5
P. V. P.	5,95	4,516	5

Attendite, alumni Secundi Cursus Baccalaureatus!

2010-06-02T10:59:00.007+02:00

Dilectos alumnos qui cursum superaverunt gratulor!

E, como algúns de vós acudiredes ás PAAU, velaquí un enlace onde poderedes ver os exames de Latín de cursos anteriores, e así practicar un chisco antes das probas:

Progressus ad Vniversitatem

O enlace queda permantemente na sección Vincula deste blog

IVSTITIA FORTVNAQVE

ROMANAE QVAESTIONES (MMIX-MMX)-IX

2010-06-01T19:51:00.004+02:00

Esta é a derradeira oportunidade que teredes este curso para gañar unhas decimiñas extra. Decimiñas que, por certo, o mes pasado xa obtiveron Paula García, Elena Fernández e Iván Manivesa, todos eles de 4º ESO.

Ben, pois aquí están as Romanae Quaestiones do mes de xuño:

I. Hai 2.355 anos, o primeiro deste mes, inaugurábase en Roma, no cumio do Capitolio un templo dedicado a unha deusa que, segundo os romanos crían, axudáraos a librarse da invasión de certo pobo. O tal pobo foi o último que conseguíu entrar en Roma en 800 anos, ata que en 410 Alarico a saqueou. De qué pobo estamos a falar, en qué ano se producíu a súa entrada en Roma, e a que deusa se dedicou o templo do que falabamos ó principio.

II. E, mirade por donde, 45 anos despois de Alarico, o día 2 deste mes, saqueaba Roma tamén o rei doutro pobo. A verdade é que o s. V non foi bo para Roma. Que pobo e que rei?

III. Cada 11 de xuño as matronae univirae romanas ían ó templo dunha deusa a realizar unha serie de estranos rituais, como por exemplo, facer entrar no templo a unha escrava e, acto seguido, botala a golpes. Delirant isti Romani!, que diría Obélix... Que era unha matrona univira e a qué deusa estaba dedicada esta celebración?

CITO VENIET NOBIS FINIS LABORIS

Attendite, alumni Primi Cursus Baccalaureatus!

2010-06-01T19:21:00.005+02:00

Avete, dilecti alumni!

Velaquí as notas do exame que algúns de vós realizastes hoxe á mañá. Lembrade que teñen un valor dun 30% respecto das calificacións que se obteñen a través dos exames... e que éstas, á súa vez, supoñen un 60% da nota global de cada trimestre.

Como podedes ver, algúns de vós precisan facer un bo exame de traducción. Veña: un pouco de esforzo, que estamos a rematar.

Attendite, alumni Secundi Cursus Baccalaureatus!

2010-05-19T14:24:00.004+02:00

O curso académico xa remata, polo menos para vós, e aquí vos deixo as notas que obtivestes. Na primeira columna aparecen as iniciais do voso nome e apelidos; na segunda e terceira, as calificacións dos dous exames que fixemos este trimestre. Finalmente, na columna da dereita de todo podedes ver a vosa nota final, coas dos trimestres anteriores entre parénteses.

Só me queda engadir que foi un auténtico pracer coñecervos, como alumnos e como persoas, e que vos botarei de menos, por suposto. Mais perdede coidado, xa vos preguntarei qué tal vos vai na vida cando nos topemos, porque a partir de agora (e xa sabedes bastante latín para entendelo),

IN THERMOPOLIIS VOS VIDEBO

ROMANAE QVAESTIONES (MMIX-MMX / VIII)

2010-05-10T22:28:00.002+02:00

Perdón polo retraso, pero ás veces vita laborem impedit, que podería decir un proverbio latino.

Antes de ofrecervos a mensual posibilidade de incrementar a vosa nota de trimestre, debemos felicitar a Elena Fernández, que foi a única que respostou correctamente ás preguntas do mes anterior. Unha vez máis lembramos: é unha forma non demasiado difícil (e ben rápida) de mellorar a vosa nota final. E quizais nesta fase do curso vos fará boa falta.

Sen máis rollos, aí van as Romanae Quaestiones deste mes de maio:

1. O día 4 deste mes, hai 2.021 anos, un gobernante romano de maxestuoso alcume inauguraba un teatro de pedra que comezara a construír o seu tío avó. Este teatro, que aínda se conserva en parte hoxendía, levou o nome do seu sobriño e xenro, en quen tiña depositadas as súas maiores esperanzas como herdeiro. Por desgracia para el (e para o seu xenro), o rapaz morrera, moi novo, algúns anos atrás. Como se chamaban os tres personaxes citados (tío avó-sobriño neto-sobriño xenro... ha, ha, ha)?

2. O 23 de maio de cada ano os romanos honraban ós seus difuntos depositando nas súas tumbas certas flores. Cales eran e con que nome se coñecía esta celebración?

3. O día 22 deste mes, 348 anos despois da inauguración do teatro citado na primeira pregunta, morría un emperador romano. E isto aconteceu nunha cidade oriental que leva o seu nome; e a este personaxe os cristiáns estivéronlle moi agradecidos, por gracias a el a súa situación cambiou radicalmente, e para mellor. Como se chamaba o emperador (e a cidade), e que favor lle fixo ós cristiáns?

PRODEST MIHI QVOD DISCO

ROMANAE QVAESTIONES (MMIX-MMX / VII)

2010-04-12T13:58:00.002+02:00

Un mes máis, aquí tedes tres cuestións para que pasedes o tempo, aprendades a buscar información correcta e veraz en internet e -de seguro o que máis vos interesa-, sumar unhas decimiñas á vosa nota final de trimestre (ata un máximo de 1 punto, xa sabedes):

I. Hai 1.822 anos nacía en Ludgunum (actual Lyon, en Francia), un personaxe de certa sona na historia de Roma: matou ó seu irmán, mandou construír un enorme edificio relacionado co exercicio físico e a hixiene, e ós 24 anos promulgará unha lei que outorgará a mesma condición a todos os habitantes do Imperio: quen era este personaxe, que edificio erixíu, e que ordenaba a lei mencionada?

II. O día 11 de cada mes de abril remataban unhas festas relixiosas en Roma, que eran das máis apreciadas polos seus habitantes, porque nelas a comida e os espectáculos públicos tiñan un papel importante. Duraban 7 días, e o acto final consistía nunha procesión de moitas divinidades arredor do Circo Máximo. Pedímosvos que averigüedes na honra de qué deusa se celebraban estas festas, e en qué forma participaban os deuses.

III. O derradeiro día deste mes de hai 1.945 anos morría, cando contaba só 25, un poeta latino. Suicidouse como alternativa á condena a morte que sufríu por ter participado nunha conspiración contra o Emperador que gobernaba Roma na súa época. Quen era este poeta, cal é a súa obra máis destacada, e como se suicidou?

ROMANA HISTORIA PRODEST ET DELECTAT

Attendite, alumni Secundi Cursus Baccalaureatus!

2010-03-24T21:37:00.004+01:00

Perdoade a demora, dilecti alumni, pero tiven unha tarde algo complicada. Finalmente, velaquí as notas.

En primeiro lugar, as do exame de hoxe á mañá:

S. C. L.: 7,5

A. E. L.: 5,25

M. F. G.: 6,75

M. G. C.: 6,1

A. M. F.: 5,75

L. O. A.: 4,5

J. R. V.: 8,25

J. R. M.: 6,25

O. R. C.: 7,5

L. S. R.: 5,25

E para rematar, co desglose das notas ponderadas, nesta táboa tedes as notas finais do trimestre (en negriña, na columna da dereita de todo):

Mañá pola mañá poderedes consultarme o que queirades sobre as notas.

Attendite, alumni Quarti Cursus Culturae Classicae!

2010-03-23T15:45:00.003+01:00

Con moita présa, pero aí vos van as notas finais do trimestre, desglosadas. Marcho correndo.

Attendite, alumni Primi Cursus Baccalaureatus!

2010-03-23T13:52:00.002+01:00

Aquí están as notas do exame desta mañá. Lembrade que mañá, despois de facer os cálculos correspondentes, vos direi as notas finais do trimestre.

A lista inclúe só iniciais, para preservar a vosa privacidade:

C. A. M.: 5,8
A. C. L.: 7,1
T. C. P.: 6,5
A. Del R. F.: 7,7
S. F. F.: 6,7
T. F. C.: 9,3
M. F. F.: 3,7
T. L. E.: 2,1
R. M. De O.: 2,8
I. M. J.: 4,1
S. M. R.: 3,6
A. P. P.: 5
G. R. F.: N. P.
N. R. M.: 6,6
F. R. P.: 6,6
A. R. L.: 4,6
C. S. G.: 9,2
A. S. M.: 6,7
P. T. R.: 5
P. V. P.: 4,7

Attendite, alumni Secundi Cursus Baccalaureatus!

2010-03-22T20:38:00.002+01:00

Xa teño corrixidos os exames de hoxe á tarde. Velaquí vos deixo as notas, coa precaución de privacidade que acordamos.

Lembrade que, dentro do que son as notas de exame, a deste conta un 40%.

S. C. L.: 7,35

A. E. L.: 7,15

M. F. G.: 6,8

M. G. C.: 4,75

A. M. F.: 6,5

L. O. A.: 6,7

J. R.V.: 9,15

J. R. M.: 8,4

O.R.C.: 9,05

L. S. R.: 6,75

Máis nada polo de agora. O mércores, como sabemos, faremos o exame de traducción.

Attendite, alumni Quarti Cursus Linguae Latinae!

2010-03-22T16:55:00.003+01:00

Aquí tedes as notas do exame que fixestes hoxe á mañá, aínda que a importante é a que aparece na columna da dereita de todo, xa que é a que vos irá no boletín de notas deste trimestre.
Como a sesión da vosa evaluación (que non avaliación) é mañá á tarde e non temos clase ata o xoves, mañá pola mañá poderedes facerme as consultas que queirades.

Attendite, alumni Quarti Cursus Linguae Latinae!

2010-03-18T13:12:00.002+01:00

Dirá algún: Credere id non possum!

E eu diría: Crede, crede!

Pois non: non era a derradeira. Faltaba esta, aínda que os culpables sodes só vós (máis ben algúns de vós), que non cumpristes coa parte do exercicio que vos tocaba: buscar o significado e exemplos do emprego actual de certos latinismos. Menos mal que tedes profe. En fin, aí vos queda:

Expresións Latinas

View more presentations from Alfonso Blanco.

Attendite, alumni Quarti Cursus Linguae Latinae!

2010-03-16T19:10:00.003+01:00

Cachinno!, que diría un romano (é dicir: "río a gargalladas"). Si: cando quero son un pouquiño "malote". Non é por nada, pero faltaba unha presentación: é aquela na que se resumen as sesións que dedicamos a analizar morfoloxicamente varias palabras nosas. Se lembrades, comprobaramos que unha enorme cantidade de sufixos, tanto léxicos como gramaticais, teñen procedencia latina (como non? Se a fin de contas somos máis romanos que outra cousa).

Lembrade que os contidos de etimoloxía (o primeiro que traballamos neste trimestre), xa foran subidos ó blog. Déixovos o enlace: Etimoloxías latinas

Ben, agora si que xa non hai máis material para Latín de 4º. De aquí ó día do exame, xa sabedes:

STVDIVM, SAPIENTIA, FORTVNA IVSTITIAQVE

Linguas Romances, Linguas Flexivas

View more presentations from Alfonso Blanco.

Attendite, alumni Quarti Cursus Linguae Latinae!

2010-03-16T18:56:00.002+01:00

E aquí está a que faltaba, sobre algúns feitos curiosos da Historia de Roma que temos visto na clase.

MEMENTOTE!: Tamén entra no exame.

STVDETE ET OLIM FELICES ERITIS

Res Historiae Romani Imperii

View more presentations from Alfonso Blanco.

Attendite, alumni Quarti Cursus Linguae Latinae!

2010-03-16T11:02:00.002+01:00

Velaquí o resultado do voso traballo (en parte alomenos) sobre certos personaxes relevantes na Historia de Roma. Lembrade que isto é materia de exame (non é por agobiar, pero e que está moi preto)

Viri historiae romanae

View more presentations from Alfonso Blanco.

Attendite, alumni Primi Cursus Baccalaureatus!

2010-03-10T11:23:00.002+01:00

Velaquí a presentación sobre a primeira fase do réxime imperial romano:

Historia De Roma (3) O Principado

View more presentations from Alfonso Blanco.

E aquí están os enlaces ás presentacións sobre a sociedade romana e a evolución fonética que vimos na clase:

A sociedade romana

Evolucións fonéticas

FORTVNA IVSTITIAQVE

ROMANAE QVAESTIONES (MMIX-MMX / VI)

2010-03-02T19:26:00.002+01:00

Novo mes e nova oportunidade de sumar décimas á vosa nota final do trimestre. Para iso, e como ven sucedendo todos os meses desde principio de curso, debedes buscar as respostas ás preguntas que veredes algo máis abaixo. Lembrade: sempre se trata de acontecementos da historia da antiga Roma dos que se está a cumprir o cabodano.

I. O primeiro día de cada mes de marzo, os romanos (máis ben as romanas) celebraban unhas festas na honra de certa deusa. Ó seu templo acudían moitas mulleres para pedirlle pola felicidade dos seus matrimonios e, se estaban embarazadas, tamén por un parto feliz (lembrade que na Antigüidade o parto era un acontecemento no que a vida da nai e do bebé estaban moito máis en risco que nos nosos días, polo menos nos países desenvolvidos como o noso). Ah... que cal é a pregunta? Cal vai ser? Debedes averiguar o nome das festas e a deusa a que estaban dedicadas.

II. O 10 de marzo de hai 2.252 anos un cónsul romano derrotaba á flota de certo imperio rival, poñendo así final á primeira de tres guerras entre as dúas potencias máis importantes da época no Mediterráneo. Como se chamaba o cónsul, con que nome se coñece á batalla, e que guerra rematou con ela?

III. O derradeiro día deste mes que acaba de comezar, iso si, 209 anos despois da batalla a que nos referiamos na pregunta anterior, deixábase morrer de fame certo individuo, moi amigo do considerado mellor prosista da literatura latina, con quen mantivo unha longa correspondencia, gran parte da cal conservamos. De que dous personaxes estamos a falar?

DIVITES SAPIENTIAE SITIS!

Traballos Cultura Clásica 4º ESO (II)

2010-02-22T12:25:00.002+01:00

Como prometiamos, velaquí os traballos expostos reunidos nunha soa presentación. Durante esta semana (ou a que ven), dependendo do que tarden en solucionarse algúns problemas técnicas, poderase ver tamén nos recreos da Biblioteca do noso Centro.

Aspectos Da Vida Cotiá Na Grecia E Roma Antigas

View more presentations from Alfonso Blanco.

Traballos Cultura Clásica 4º ESO

2010-02-22T11:48:00.003+01:00

Durante o pasado mes de xaneiro os tres alumnos e dúas alumnas de Cultura Clásica de 4º ESO (e tamén o seu profesor) expuxeron unha serie de traballos que elaboraron a partir da lectura de dous libros sobre a vida cotiá nas antigas Grecia e Roma.
A tarefa consistiu en comparar aqueles aspectos da vida diaria nas civilizacións clásicas cos usos e costumes actuais. Con isto pretendiamos averiguar canto do que facemos hoxe procede da Antigüidade. As conclusións que tiramos, como non podía ser doutra maneira, indicaban que conservamos hoxe en día moito máis do que criamos.
Testemuña das exposicións orais son as fotografías que podedes ver a continuación, e que tiraron os propios alumnos (a cámara debeuse á cortesía de Esteban Lago).

Proximamente amosarémosvos varias das presentacións expostas.

O QVAM DVLCE EST DISCERE!

Resultado do desempate do concurso Odisea 2010

2010-02-11T13:15:00.006+01:00

Onte á tarde, entre as 16,30 e 19,30, celebrouse no noso Centro unha das fases do desempate do Concurso Odisea 2010, no que vimos participando desde que se creou.

Como sabedes, 7 dos 10 grupos que principiaron a competición conseguiron clasificarse para este desenlace, no que non tivemos tanta sorte como en anos anteriores, xa que non conseguimos ningún dos tres primeiros postos. Con todo, estamos satisfeitos do nivel de participación alcanzado, e eu, como profesor, non podo máis que agradecer a dedicación dos meus alumnos, sobre todo nun día como onte, no que a dificultade das preguntas era moi elevada: xa é un mérito o estar pegado ó ordenador e ós libros durante case tres horas para intentalo facer o mellor posible.

Non queremos tampouco esquecernos de felicitar ós tres equipos gañadores: a nosa sincera noraboa vai para vós. Cremos que entre todos cumprimos o obxectivo do concurso, que é facer un pouco máis presentes as nosas materias na vida dos nosos centros.

E, como non, felicitamos tamén á organización do concurso, porque sabemos que estas cousas, que dan moio traballo, se fan gratis et amore. Ademais, xusto é recoñecer que cada ano o fan mellor.

Esperamos ter, como mínimo, a mesma sorte o ano que ven.

GRATIAS MAXIMAS OMNIBVS VOBIS AGO

Desempate Odisea 2010

2010-02-08T09:32:00.006+01:00

Rematou a primeira fase do Concurso Odisea 2010 e non nos podemos queixar, pois dos 10 equipos que inscribimos lograron clasificarse 7 para a fase de desempate. Noraboa, xa que logo, a FORTVNA VICTRIX (Camila, Marta e Amalia, de Latín de 4º), SVPERTAMARICAE (Elena, Paula e Isa, de Latín e Cultura Clásica de 4º), MVSAE AETERNAE (Ángela, Ánxela e Pepi, de Latín de 1º), STUDIVM GAVDII (Alba e Goretti, de Latín de 4º), SEMPER RIDENTES (Ana, María e Sara, de Latín de 4º), VICIOSILLOS DE ROMA (Iván, Sandra e Merche, de Latín de 1º e 2º BAC), e CALCEI ET PALLA (Álvaro, Maikel e Óscar, de Latín de 1º e 2º).

Segundo comunicou a organización, o desempate terá lugar o vindeiro mércores día 10 entre as 16,30 e as 19,30 e, en principio, os nosos grupos están convocados no noso propio Centro, polo que seguramente a SEEC enviará un responsable para vixiar o desenvolvemento da proba.

Como lembraredes, o desempate consistirá nun novo preguntón, no que será decisivo o tempo que se tarde en respostar, en caso de novo empate. A súa estructura será semellante ó do pasado xoves, polo que igual considerades oportuno practicar un pouco. Con esta idea déixovos aquí un "preguntón":

1. Poema burlesco que parodiaba á Ilíada

2. Maxistrado encargado da vixiancia dos mercados nas cidades na época helenística

3. En latín: praenomen dun poeta romano que acuñou o tópico do beatus ille

4. En latín: coñecida gens romana, un de cuxos membros ordenou desfacer un monte enteiro para levar a cabo o seu proxecto

5. Poema épico do s. VII a.C. cuxo título aludía á toma e saqueo de Trioa, e que non nos chegou

6. En Grecia: persoa que se dedica a preparar por escrito a defensa do cliente

7. En latín: revelación a cargo dos augures da vontade diviña favorable á atribución dos poderes de mando ao rex, durante o periodo monárquico de Roma

8. Pseudónimo da amada á que adicou os seus poemas un poeta do círculo de Mecenas que escribiu unha elexía a Ovidio cando éste morreu

9. Poeta grego castigado coa cegueira por difamar a un personaxe da lenda troiana

10. En latín: cidade baixo protectorado romano que caeu a mans dun xeneral cartaxinés, despois dun asedio de oito meses, a finais do s. III a. C.

PREGUNTÓN: Poeta grego (_ _ _ _ _ _ _ _ _ _)

FORTVNA ET SAPIENTIA VOBISCVM SINT!

ROMANAE QVAESTIONES (MMIX-MMX / V)

2010-02-01T20:31:00.005+01:00

Neste mes de febreiro continuamos coa oferta de todos os anteriores e os vindeiros: queredes sumar ata 1 punto na nota deste trimestre? Pois contestade, sempre diante da supervisión do profe, ás seguintes preguntas:

Hai 2.o22 anos , o 12 de febreiro, morría un xeneral que foi o principal asesor militar e político dun home que cambiou as estructuras de goberno da Roma da súa época, e por tal motivo ata deu o seu nome ós seus sucesores. Tal era o aprecio que o segundo sentía polo primeiro, que chegou a nomealo herdeiro e mesmo o casou coa súa filla. E un dos monumentos máis espectaculares que perviven da Roma antiga leva, precisamente, o seu nome. Debedes conseguir o nome completo deste xeneral.

O mesmo día, 12 de febreiro, pero de 53 anos máis tarde, nacía un rapaz que estaba destinado, pola familia na que naceu, a herdar os títulos e os poderes de seu pai. Non obstante, morreu antes de tempo, e hai quen sospeita do principal beneficiado da súa morte: un medio irmán seu (axudado quizais pola súa nai). Cales eran os nomes respectivos destes dous rapaces e a qué título e poderes nos estamos a referir?

Uns 16 anos despois da morte do protagonista da primeira pregunta e 37 antes do nacemento do mencionado na segunda, (iso si, o 21 deste mes) morría tamén outro personaxe da mesma familia a consecuencia dunhas feridas de guerra sufridas no asedio dunha fortaleza en Armenia. Para non liar máis a cousa: como se chamaba o infortunado e que parentesco o unía co xeneral cuxo nome seguramente averiguaches na primeira cuestión?

BIS REPETITA PLACENT!

Attendite, alumni Quarti Cursus Linguae Latinae!

2010-01-31T13:32:00.002+01:00

Nesta presentación tedes resumido o traballo que fixemos na clase sobre as etimoloxías. Creo que vos vai servir para repasar estes contidos á hora do exame. Tede en conta que nos recadros vermellos de cada diapositiva se explica o tipo de evolución semántica que se produciu, que ven sendo o máis interesante do tema, non é?

Etimoloxías Latinas

View more presentations from Alfonso Blanco.

Grupos Odisea 2010

2010-01-31T13:08:00.004+01:00

Como sabedes, mañá comeza unha nova edición do concurso Odisea 2010, organizado pola Sección Galega da Sociedad Española de Estudios Clásicos, e que se desenvolve a través da rede internet. Este ano contamos de novo cunha boa participación desde o noso centro. Velaquí os nosos 10 grupos participantes:

VICIOSILLOS DE ROMA

Iván Martínez (1º BAC)

Sandra Caamaño (2º BAC)

Merche Ferreirós (2º BAC)

CALCEI ET PALLA

Álvaro Romero (1º BAC)

Óscar Romero (2º BAC)

Maikel García (2º BAC)

PVLCHERRIMAE

Adela Lago (2º BAC)

Ana Del Río (1º BAC)

Lúa Simal (2º BAC)

SVPERTAMARICAE

Elena Fernández (4º ESO)

Paula García (4º ESO)

Isabel Verán (4º ESO)

MVSAE AETERNAE

Ángela Priegue (1º BAC)

Ánxela Sestayo (1º BAC)

Pepi Tajes (1º BAC)

CHURROS CON CHOCOLATE

Esteban Lago (4º ESO)

Tamara Cambeiro (1º BAC)

Noelia Rodríguez (1º BAC)

PVELLAE FESTIVAE

Alba Fernández (4º ESO)

Beatriz Caamaño (4º ESO)

SEMPER RIDENTES

María Caamaño (4º ESO)

Ana Maceiras (4º ESO)

Sara Romero (4º ESO)

STVDIVM GAVDII

Alba Figueroa (4º ESO)

Goretti Fernández (4º ESO)

FORTVNA VICTRIX

Camila Rodríguez (4º ESO)

Marta Hernández (4º ESO)

Amalia Fernández (4º ESO)

MINERVA VOBIS PROPITIA SIT!

ROMANAE QVAESTIONES (MMIX-MMX / IV)

2010-01-12T19:21:00.005+01:00

Comezamos o novo ano coa mesma intención que os anteriores: honrar a herdanza de Roma e a súa lingua e, ó mesmo tempo, intentar facilitar o achegamento á Cidade Eterna e á civilización que produciu.

Na mesma liña traballa a Sección Galega da Sociedad Española de Estudios Clásicos (SEEC), que ven de poñer en marcha, un ano máis, o concurso Odisea. Desde aquí convido a todos os alumnos de Latín, Grego e Cultura Clásica do IES Fontexería a participar neste certame, no que case sempre as deusas Fortuna e Minerva nos foron propicias. Para botarlle unha ollada ás bases, onde se explica o sistema de participación, velaquí tedes este enlace: Bases Concurso Odisea 2010.

E, como vimos facendo tamén desde o inicio deste curso, ofrecemos a posibilidade de sumar ata un punto na nota final do trimestre mediante o noso sistema de preguntas e respostas, precisamente inspirado no formado de Odisea. Estas son as cuestións que poderedes respostar durante o mes de xaneiro:

1. Hai 2.096 anos, cando comezaba a exercer por segunda vez o cargo máis importante da República romana, morría un importante xeneral, a quen moitos dos seus concidadáns lembraban con afecto por ter derrotado a dous pobos xermánicos e tamén a un rei africano. Quen era este xeneral, que cargo desempeñaba no momento da súa morte, e a que se debeu ésta?

2. Algo así como 58 anos despois do anterior, certo gobernante romano (o primeiro do seu xénero) decidía pechar as portas de certo templo, dedicado a un deus cuxa estatua sempre presentaba dúas caras. Quen foi o gobernante, de qué deus se trataba e qué significado tiña ese peche das portas?

3. Moito tempo despois, en concreto hai 1.615 anos, deixaba de existir un emperador romano (de orixe hispana, ademais) despois do cal xa nada foi igual para o Imperio, sobre todo porque tomou certa decisión en relación cos seus fillos. Queremos saber o nome do emperador, o dos seus fillos e, por suposto, cal foi esa decisión tan trascendental.

ANTIQVA ROMA VOBIS PROSIT ET DELECTET

Attendite, alumni Quarti Cursus Culturae Classicae!

2009-12-18T15:34:00.003+01:00

Estas son as notas que estades agardando desde hoxe á mañá. A petición vosa, non poño os vosos nomes, senón só as iniciais, por aquilo da privacidade. A primeira cifra corresponde á nota do exame (60% do total), a segunda á nota resultante logo de ponderala de acordo cos traballos e exercicios entregados (25%) e máis a actitude (15%); a terceira cifra é a que vai no boletín de notas. Calquera dúbida, ó correo electrónico murosenlatin@hotmail.es ou na clase do luns. Velaí van:

E.F.F.: 8,15 - 8,45 - 8

J.A.L.P.: 3,5 - 3,2 - 4

I.V.R.: 5,3 - 5,862 - 6

E.L.L.: 5,9 - 5,64 - 6

I.E.M.A.: 3,3 - 3,255 - 4

Attendite, alumni Primi Cursus Baccalaureatus!

2009-12-17T17:08:00.002+01:00

Desculpade a tardanza, pero non só houbo que corrixir os exames, senón tamén calcular a nota final do trimestre, que é a que vai no boletín de calificacións. Velaquí tedes as dúas notas:

*ALUMNO*	*NOTA EXAME*	*NOTA TRIMESTRE*
*ABEIJÓN MAYO, Carla*	5,2	5
*CAAMAÑO LADO, Alexandra*	7,4	7
*CAMBEIRO PIÑEIRO, Tamara*	6,85	7
*DEL RíO FERNÁNDEZ, Ana*	6,7	7
*FERNÁNDEZ FERNÁNDEZ, Sandra*	6,7	7
*FIGUEIRAS CAMPOS, Tania*	8,7	9
*FORMOSO FORMOSO, Manuel*	5	5
*LEÓN ECHEVERRI, Tania*	5,4	5
*MARTÍNEZ DE OLIVEIRA, Ricardo*	5,85	6
*MARTÍNEZ JURJO, Iván*	7,8	6
*MAYO RAMA, Sara*	3,3	4
*PRIEGUE PASTORIZA, Ángela*	7,25	7
*RODRÍGUEZ FERNÁNDEZ, Gina*	3,7	4
*RODRÍGUEZ MACEIRAS, Noelia*	6,7	7
*RODRÍGUEZ PARÍS, Fran*	6,7	7
*ROMERO LAGO, Álvaro*	8	8
*SENDÓN GONZÁLEZ, Carina*	8,8	9
*SESTAYO MAYO, Ánxela*	7,25	7
*TAJES RAMA, Pepi*	4,7	5
*VIDAL PAIS, Pablo*	5,7	6

Attendite, alumni Secundi Cursus Baccalaureatus!

2009-12-17T13:29:00.004+01:00

Lembrade que debedes realizar un traballo sobre o visionado da película Golfus de Roma (A Funny Thing Happened On The Way To The Forum, R. Lester, 1966). O traballo deberá ser entregado o día 11 de xaneiro de 2009 (non se admitirán demoras).

A seguir tedes unha serie de enlaces web comentados que vos permitirán recoller a información necesaria:

1. http://www.imdb.com/title/tt0060438/
A Internet Movie DataBase (IMDb) é unha inmensa base de datos con fichas técnicas (e mesmo comentarios de internautas) sobre películas de todos os tempos. Este enlace lévavos á película que nos ocupa, que á súa vez ten ligazóns a actores e técnicos que participaron no film. Especialmente interesantes (por amenas) son as seccións trivia e goofs ("curiosidades" e "pifias") que podedes ver na columna da esquerda baixo o epígrafe Fun stuff ("cousas divertidas"). Quizais a pega, como vedes, é que está en inglés, pero xa sabedes que é o idioma maioritario en internet.

2.http://en.wikipedia.org/wiki/A_Funny_Thing_Happened_on_the_Way_to_the_Forum
3.http://en.wikipedia.org/wiki/A_Funny_Thing_Happened_on_the_Way_to_the_Forum_(film)
Por suposto, a Wikipedia tamén nos serve, aínda que os mellores artigos sobre esta película están tamén en ingles. O primeiro deles (2) fálavos da comedia musical de Broadway, orixe do film: datos sobre a historia do libreto, o argumento e, o máis interesante, unha caracterizacións dos personaxes. A segunda referencia (3) é xa sobre a película, aínda que pouco máis inclúe que vos poda servir que un resume do argumento.

4. http://antalya.uab.es/pcano/aulatin/llibreV/comedia.htm
Xa en castelán, este enlace ten unha perspectiva próxima a un alumno de 2º de Bacharelato. Comenta as orixes do guión, o contexto romano e cómo está conseguido, así como algúns recursos cómicos propios de Plauto que aparecen no film.

5.http://www.culturaclasica.com/colaboraciones/lillo/golfus_de_roma.pdf
Esta é unha guía didáctica pensada para que o estudiante a complete. Como é unha páxina recomendada polo Grupo de Traballo que prepara a proba de Latin das PAAU, suxírovos que a empreguedes para realizar o traballo. Descargádela, imprimídela e ídela completando: se non vos chega o espacio para contestar ás preguntas, usade folios a parte. Está bastante ben, sobre todo no que se refire ás fontes plautinas nas que se basea a película.

Por último, unha vez elaborados os traballos, veremos cómo podemos combinar os resultados co fin de que vos quede un instrumento útil para preparar esta parte da materia de cara as PAAU.

Máis nada (por agora).

BONA SATVRNALIA!
BONVM INITIVM IN ANNVM MMX!

Magister Adefonsus

ATTENDITE, ALUMNI OMNES!

2009-12-15T18:41:00.003+01:00

Como seguramente xa saberedes, por orde da Consellería de Educación, mañá mércores, 16 de decembro, non haberá clase por alerta meteorolóxica. Respecto ós exames destes días, tede en conta o seguinte:

1. O exame de Cultura Clásica de mañá queda, forzosamente, aprazado. Dado que as sesións de evaluación de 4º ESO A e B se trasladan ó venres pola tarde, poderemos realizar o exame, o máis tarde, o mesmo venres. Como xa sabedes, as nosas tres sesións semanais son luns, martes e mércores; polo tanto, debemos buscar unha hora doutra materia para facer o exame. Esa hora debe corresponder a unha materia da que xa esteades examinados, e debémonos poñer en contacto cos profesores afectados para que vos permitan realizar o exame nesa hora.

2. O exame de Maikel e Adela, de 2º BAC, poderemos facelo o xoves, o venres ou mesmo o luns, xa que a evaluación dese curso terá lugar o propio luns día 21. Xa me diredes vós.

3. O exame de 1º BAC A será o xoves, tal e como estaba previsto. Iso si, non disporemos da sesión de mañá para realizar un repaso de todo o que entra. Por iso coméntovos aquí a estructura xeral do exame:

- PARTE I: teórica, con especial atención ós grupos e linguas indoeuropeos, as linguas romances (concepto e lista delas), a procedencia do alfabeto latino, os principais restos arqueolóxicos da cidade de Roma (Foros, Palatino, Circo Máximo e Coliseo: principais edificios e uso que tiñan), e 5 preguntas tipo test sobre a Historia de Roma (Monarquía e República, xa sabedes).

- PARTE II: práctica, na que deberedes analizar e traducir 6 frases. Haberá un vocabulario, pero xa sabedes que tedes que coñecer o significado das palabras marcadas en negriña nas follas de exercicios 1 e 2 da vosa Libreta de Traballo (Latinitas Nostra I)

4. Alba, Luis e Carmiña: segue vixente o labor que tedes que facer para aprobar: atopar as respostas ás preguntas do blog: buscade unha entrada chamada ROMANAE QVAESTIONES III. Por sorte para vós, tedes ata o venres

Máis nada. Calquera dúbida, ó correo electrónico murosenlatin@hotmail.es

Aproveitade o día de mañá para estudiar, que vai ir moito frío, segundo din.

FRIGVS DOMVM NOSTRAM LEPIDIOREM FACIT

Attendite, alumni Quarti Cursus Culturae Classicae!

2009-12-14T16:53:00.002+01:00

Finalmente, con estoutra presentación poderedes botar unha ollada ós logros dos romanos como enxeñeiros:

A Tecnoloxía Romana

View more presentations from Alfonso Blanco.

Attendite, alumni Quarti Cursus Culturae Classicae!

2009-12-14T16:51:00.002+01:00

Seguramente lembraredes que vós contribuístes decisivamente á creación deste material sobre as aportacións da ciencia e a técnica gregas á nosa forma de vida. Para que todo o mundo o saiba, esta presentación foi elaborada por Elena Fernández, Esteban Lago, José Antonio Louro, Iván Manivesa e Isabel Verán, de 4º ESO A e B, supervisados polo profesor.

Ciencia e Técnica Gregas

View more presentations from Alfonso Blanco.

Attendite, alumni Quarti Cursus Culturae Classicae!

2009-12-14T16:49:00.003+01:00

Con esta presentación poderedes repasar o que aprendemos sobre as formas de goberno en Grecia e Roma. Lembrade que os máis importantes son os da Atenas do século V a.C., e o da Roma republicana.

Sistemas de goberno Gregos e Romanos

View more presentations from Alfonso Blanco.

Attendite, alumni Quarti Cursus Linguae Latinae!

2009-12-13T14:55:00.002+01:00

Desculpade o retraso en "colgar" esta última presentación, pero a rede non colaborou moito este fin de semana. Lembrade que, nesta ocasión, o fundamental son os conceptos de variantes diacrónicas, diatópicas, diastráticas e diafásicas. Tamén debedes ter claro que as linguas romances proceden do latín popular, mentres que o latín literario mantivo unha vida diferente da do anterior, aínda que con contactos:

Vna et Varia Lingua

View more presentations from Alfonso Blanco.

Attendite, alumni Quarti Cursus Linguae Latinae!

2009-12-11T12:35:00.001+01:00

Xa falta menos: esta é a presentación que vos servirá para repasar o que traballamos sobre as linguas romances (xa sabedes, as derivadas do latín popular):

Filiae Linguae Latinae

View more presentations from Alfonso Blanco.

Attendite, alumni Quarti Cursus Linguae Latinae!

2009-12-11T11:14:00.002+01:00

Con esta presentación poderedes practicar algunhas das leis fonéticas que rexen a evolución do latín cara o galego e o castelán:

Evolución Fonética 4º

View more presentations from Alfonso Blanco.

Attendite, alumni Quarti Cursus Linguae Latinae!

2009-12-10T09:12:00.003+01:00

Como xa está moi preto o exame, convenvos botar máis dunha ollada ás presentacións coas que ilustramos nas clases os contidos deste trimestre.
En primeiro lugar, esta é a dirección na que podedes repasar a introducción que fixemos á nosa materia nas primeiras semanas do curso:

QVARE LINGVA LATINA

Por outra banda, velaquí tedes a correspondente ás familias lingüísticas do mundo, con especial atención á indoeuropea:

Familiae Linguarum

View more presentations from Alfonso Blanco.

ROMANAE QVAESTIONES (MMIX-MMX / III)

2009-12-03T20:05:00.004+01:00

Rematou o mes de novembro e cómpre felicitar a Elena Fernández e Isabel Verán, xa que elas dúas conseguiron xa 0,33 puntos da súa nota final deste trimestre, ó contestar correctamente ás preguntas formuladas neste blog. E non lles resultou moi difícil: foron á Biblioteca e, co control do profesor, bucearon neste fantástico instrumento que, ben usado, é Internet, e só precisaron un recreo para atopar as respostas. Así que a ver se cunde o exemplo. Para comprobalo, velaquí as preguntas para este derradeiro mes de 2009:

Hai 2.226 anos, o 1 de decembro, certo militar, considerado un dos máis sobranceiros da Antigüidade, derrotou ós romanos na primeira de varias batallas nas que se amosou moi superior a eles. Tal foi o impacto destes desastres que aínda moitos anos despois as nais romanas, cando querían asustar ós seus fillos por algunha trasnada que fixeran, empregaban o nome deste personaxe. Obviamente, preguntamos de quen se trata e con qué nome se coñece esta famosa batalla.

Todos os anos, a partir do 17 de decembro, celebrábanse en Roma unhas festas que se contaban entre as máis apreciadas polos seus habitantes: non había actividade política nin xudicial, a escola daba vacacións, as execucións adiábanse, e mesmo había sorteos de lotería! Sobre estas festas queremos saber o seguinte: o seu nome, a qué deus se honraba nelas, e qué inversión de certas clases sociais se producía durante esas datas.

Para rematar, o último día deste mes de hai 1.817 anos, certo Emperador romano era asasinado mediante estrangulamento. Simplemente solicitamos que averigües o nome dese Emperador e cales foron as circunstancias do asasinato.

Xa sabemos que hai moitos exames, e ademais este mes é máis curto, academicamente falando, pero nunca está de mais conseguir unhas décimas extra, non é?

Attendite, alumni Primi Cursus Baccalaureatus!: Historia De Roma (2) A República

2009-12-03T20:00:00.002+01:00

E con estoutra presentación, sobre a época da República, xa estades listos para preparar o vindeiro exame

Historia De Roma (2) A República

View more presentations from Alfonso Blanco.

Attendite, alumni Primi Cursus Baccalaureatus!: Historia De Roma (1) A Monarquía

2009-12-03T19:56:00.002+01:00

Esta é a presentación pola que poderedes estudiar a primeira fase de Historia de Roma, ou sexa, a Monarquía, conforme a vimos na clase:

Historia De Roma (1) A Monarquía

View more presentations from Alfonso Blanco.

ROMANAE QVAESTIONES (MMIX-MMX)-II

2009-11-02T20:25:00.004+01:00

Durante o primeiro mes de convocatoria deste concurso non houbo ninguén que intentase gañar desta maneira tan sinxela 0,33 puntos para engadir á súa nota final de trimestre. Quizais é que, estando a principio de curso, os alumnos consideran que hai tempo. E tempo hai; mais tamén é verdade que tempus fugit máis rápido do que parece. Sen outro ánimo que o de animarvos a participar, velaí van as tres preguntas que poderedes contestar durante todo este mes de novembro. Lembrade: abonda con comunicar ó profesor a vosa intención de dedicar algún recreo (ou algunha hora libre de que dispoñades) a, diante da súa supervisión, empregar un ordenador con acceso a internet para buscar as respostas. MELIVS HODIE QVAM MANE!

O 1 de novembro de hai 2.091 anos un xeneral romano derrotaba a outro na batalla decisiva dunha guerra civil que se viña librando durante seis anos. O combate tivo lugar diante dunha das portas da mesma cidade de Roma. Quen eran os dous xenerais e como se chamaba a devandita porta?

Entre o día 4 e 17 de novembro celebrábanse en Roma unhas festas que eran das máis apreciadas. Levaban o nome dunha das súas clases sociais, e estaban dedicadas a unha das divinidades máis importantes. O acto central tiña lugar o día 15, cun banquete público pagado polo Estado, disposto no Capitolio para os senadores, e no Foro Romano para o resto da poboación. Nos días previos había espectáculos teatrais e carreiras no circo. Precisamente, no día do banquete, as estatuas de varios deuses eran levadas do Capitoli

o ó Circo Máximo, onde “presenciaban” a competición. Como se chamaban (en latín) estes xogos, en honra de que deus eran, e como se denominaba (en latín de novo) o banquete?

Por último, o 8 de novembro de hai 2.072 anos un gran orador pronunciaba no Senado romano un discurso co que descubría publicamente a existencia dunha conspiración para dar un golpe de Estado. Durante varios días máis este político, que naquel momento ostentaba o cargo de cónsul, relatou os detalles da conxura ós senadores, nun momento que constituíu o máis sobranceiro da súa carreira política. Quen era este político, como se chamaba o xefe da conspiración, e con que nome se coñecen os discursos pronunciados?

Attendite, alumni Quarti Cursus Culturae Classicae!

2009-11-02T19:35:00.002+01:00

E, complementando a anterior, unha moi semellante, pero sobre a outra gran capital do Mundo Clásico: Roma.

Vrbs Roma (4º ESO)

View more presentations from Alfonso Blanco.

Attendite, alumni Quarti Cursus Cuturae Classicae!

2009-11-02T19:33:00.002+01:00

Velaquí tedes a presentación que traballamos nas clases sobre a cidade antiga de Atenas e os seus restos arqueolóxicos.

Atenas

View more presentations from Alfonso Blanco.

Attendite, alumni Primi Cursus Baccalaureatus!

2009-11-02T19:30:00.002+01:00

Nesta presentación recoñeceredes todo o que falamos na clase sobre a topografía da cidade de Roma, así como a descrición dos seus restos arqueolóxicos máis importantes.

Vrbs Roma

View more presentations from Alfonso Blanco.

Attendite , alumni Primi Cursus Baccalaureatus!

2009-11-02T19:21:00.002+01:00

Con esta presentación poderedes repasar os contidos que vimos sobre a historia do latín e as linguas romances.

Linguae Latinae Historia

View more presentations from Alfonso Blanco.

Attendite, alumni Primi Cursus Baccalaureatus!

2009-11-02T19:12:00.003+01:00

Velaquí tedes a presentación coa que traballamos na clase o tema da comparación de linguas e a familia lingüística indoeuropea.

A Comparación de Linguas

View more presentations from Alfonso Blanco.

ROMANAE QVAESTIONES (MMIX-MMX / I)

2009-10-07T22:43:00.003+02:00

Comezamos o curso facilitando as cousas. Para que non se diga que non é doado acumular puntos, desde este blog ofrecemos a todos os alumnos do IES Fontexería matriculados en Cultura Clásica e/ou Latín a posibilidade de sumar ata 1 punto na súa nota final do trimestre. Para conseguilo haberá que respostar individualmente a tres preguntas que cada mes aparecerán no blog. Todas elas versarán sobre acontecementos relacionados coa Antiga Roma cuxo aniversario se cumpre no mes de que se trate.

Para atopar as respostas recoméndase empregar os buscadores de Internet, que son moi útiles.

A mecánica e as normas deste pequeno concurso son as seguintes:

I. Cada mes, e ata a fin do mesmo, aparecerán no blog as preguntas correspondentes.
II. A participación é individual, e non se poderán compartir as respostas con outro compañeiro. Para garantilo, só se poderán buscar as respostas durante os recreos e coa supervisión do profesor. Con ese motivo, os alumnos interesados deberán manifestar con antelación a vontade de participar ó profesor, quen os citará para un recreo, ben na propia Aula de Humanidades, ben na Biblioteca.

III. O valor dos puntos outorgado por resposta correcta é de 0,11.

Ben, pois estas son as preguntas para este mes de outubro:

1. Hai 2.094 anos nacía un primeiro de outubro na pequena vila italiana de Amiterno un importante historiador romano. As súas dúas obras máis importantes narraban un intento de golpe de Estado en Roma e unha guerra contra un rei Africano. A resposta correcta consistirá en dar o nome do historiador e o das súas dúas obras.

2. Os días 10 e 13 de outubro de hai 1.990 e 1.955 anos, respectivamente, morrían dous persoiros membros da familia Xulia-Claudia, que formou a primeira dinastía de Emperadores romanos. Coa morte do primeiro unha enorme dor invadiu Roma enteira, segundo contan as crónicas, ata o punto de que os templos foron apedreados, e mesmo houbo quen abandonou a recén nacidos nas rúas. En canto ó pasamento do segundo personaxe, non foi tan sentido: mais ben estivo rodeado de misterio, pois a morte veuno buscar logo de ter ceado un bo plato de setas que lle servira a súa esposa. Quen eran os dous persoeiros e que relación familiar tiñan entre eles?

3. Para rematar, un nacemento e unha morte. O día 15 de outubro de hai 2.079 anos nacía en Mantua o suposto autor dun pequeno poema dedicado a un mosquito; iso si, é moito máis coñecido e apreciado por outras tres obras, pero a pregunta sería demasiado doada se dixeramos os títulos. Por outra banda, o mesmo día de hai 2.064 anos morría, segundo parece, outro poeta, moi admirado polo anterior e que destacou por seguir as ensinanzas filosóficas de Epicuro e expoñelas en forma de poema. Quen eran eses dous escritores latinos?

SAPIENTIA VOBIS ADSIT!

INITIVM CVRSVS!

2009-09-25T13:50:00.003+02:00

Avete, navigatores!
Novum cursum MMIX-MMX incipimus, discendi docendique cupidi. Amabile iter vobis per materias linguae Latinae desideramus! Sit nobis Miverva propitia (et levis labor)!

Pois si: aquí estamos de novo. Comezamos un novo curso con ilusión e gañas de facervos partícipes da riqueza cultural e humana que proporciona o coñecemento da lingua latina e a cultura de Roma.
Á espera de dispoñer dun espacio Moodle na proxectada nova páxina web do noso Centro, seguiremos a empregar este blog para comunicar novas e publicar materiais relacionados coa actividade docente do Departamento de Latín. A presentación que tedes aquí serve de introducción ó latín como vehículo da cultura ó longo de case toda a historia de Occidente. Con ela estamos a iniciar o ano académico nos cursos de 4º ESO e 1º BAC.
Lembramos que os alumnos destes cursos deberán entregar unha redacción na que se inclúan as súas impresións sobre estes contidos.

QVARE LINGVA LATINA

View more presentations from Alfonso Blanco.

Attendite, alumni quarti cursus!

2009-06-05T19:22:00.002+02:00

Ya aquí está la presentación por la que deberéis preparar la lectio en la que trabajamos sobre la herencia arqueológica de Roma a lo ancho de lo que fue su Imperio:

Patrimonio ArqueolóXico Roma

View more OpenOffice presentations from Alfonso Blanco.

Attendite, alumni quarti cursus!

2009-06-05T11:17:00.001+02:00

Aquí tedes a presentación correspondente ó tema da romanización de Gallaecia. Lembrade que debedes preparar esta unidade combinando a presentación cos apuntes que tomastes na clase.

ArqueoloxíA Romana De Galicia

View more OpenOffice presentations from Alfonso Blanco.

Attendite, alumni primi cursus baccalaureatus!

2009-06-04T17:56:00.001+02:00

Ingressus tertius. Vita romana quotidie:

A Vida Diaria Dos Romanos

View more OpenOffice presentations from Alfonso Blanco.

Attendite, alumni primi cursus baccalaureatus!

2009-06-04T17:54:00.001+02:00

Segunda entrega. Presentación sobre as expresións latinas correspondentes a este último trimestre, comentadas e explicadas:

ExpresióNs Latinas 3º Trimestre

View more OpenOffice presentations from Alfonso Blanco.

Attendite, alumni primi cursus baccalaureatus!

2009-06-04T17:50:00.003+02:00

Tres entregas seguidas con material para preparar el primero de los dos exámenes que nos quedan. Para empezar, los ejemplos de evoluciones fonéticas; podéis combinarlos con los apuntes del libro de clase para aprender a aplicar las leyes fonéticas.

EvolucióN FonéTica

View more OpenOffice presentations from Alfonso Blanco.

ROMANAE QVAESTIONES (VIII)

2009-06-04T17:17:00.002+02:00

Un mes mais que remata, e outro que comeza, nesta ocasión o derradeiro do curso. E tamén a derradeira ocasión que os alumnos deste ano poderán sumar décimas á súa nota do trimestre. Polo tanto, haberá que propoñer novas cuestións.

Mais antes temos que comentar as preguntas do mes anterior. Vexamos:

1. As Lemuria eran unhas festas nas que se honraba ós lémures, nome que os romanos daban ós espíritos dos mortos. Co ritual que se realizaba pretendíase conxurar calquera mala influencia que estas almas puidesen exercer sobre os vivos. Supoñíase que o bruído provocado polo golpeo do bronce facíaos marchar da casa...

2. Marco Licinio Craso, importante político do derradeiro século da República romana e home inmensamente rico, morreu no ano 53 a.C. preto de Carras (ou Carrhae, en latín) a mans dos partos, pobo que por aquel entonces dominaba un amplo territorio, hoxe en Irak, Irán e parte de Turquía.

3. Finalmente, no ano 17 a.C. o emperador Augusto decretou a celebración dos Xogos Seculares, que sinalaron o que desde o poder se quería interpretar como un cambio de era: a fin dunha situación política e social e o principio doutra, desexada como de gran prosperidade. As festas duraron tres días, nos que, por suposto, a figura de Augusto foi protagonista e recibiu mostras de respeto e adhesión popular. O poeta Horacio sumouse a esta pompa coa composición do Carmen Saeculare, un poema que foi recitado publicamente nesta ocasión.

Ben, pois hai que felicitar de novo a alumnos que participan decote neste pequeno xogo. Trátase de Iván Martínez, Óscar Romero, Alba Castro e Rosa Fiuza. Os dous primeiros suman, como de costume, 0,33 puntos á súa nota do trimestre; Alba e Rosa reciben máis premio, 0,5, xa que ó seren alumnas de 2º de Bacharelato xa viron o seu curso rematado (e ademais aprobado noraboa).

E, para que ninguén se queixe de que non hai máis oportunidades, aquí están as preguntas para este mes:

1. O 22 de xuño de hai 2.226 anos produciuse unha importante batalla ás beiras dun lago italiano no que os romanos sufriron unha importante derrota a mans dun dos seus inimigos máis feros. O exército romano sufriu a perda de 15.000 soldados, e tamén a do cónsul que o mandaba. Pídovos que averigüedes o nome do lago, o do inimigo dos romanos e o do cónsul morto en combate.

2. Un día despois, mai tamén 296 anos despois, morría un emperador romano que nos seus derradeiros días tomaba a súa inminente morte con bastante filosofía. ¿Quen era, a que idade morreu e cales foron, segundo se nos conta, as súas palabras finais?

3. A relixión romana, como todas elas, ás veces tiña uns ritos moi difíciles de interpretar, ata polos propios que os practicaban. Neste senso, pregúntovos agora polo nome dunhas festas (e a deusa a quen se dedicaban) que tiñan lugar o 11 de xuño, e na que as mulleres casadas unha soa vez (univirae, en latín), ían ó templo da deusa; unha vez alí, facían entrar unha escrava para de seguido facela saír a golpes; por último, levaban en brazos ós seus sobriños e pregábanlle á deusa que os protexese.

PRVDENTIA, PATIENTIA, SAPIENTIA

Finis Secundi Cursus Baccalaureatus

2009-05-25T10:52:00.006+02:00

Xa rematou o curso ordinario de 2º de Bacharelato, e quero desde aquí agradecer a atención que todos vós, alumnos meus, prestastes ás clases. A parte de felicitar expresamente ós que superaron o curso, foi un pracer para min tervos, a todos sen excepción, como discípulos estes dous anos.

Agora comezan as clases de repaso, ou máis ben de reforzo e recomendación, para aqueles que se van presentar ás PAAU en a penas 15 días. Centrarémonos en esmiuzar exames de convocatorias anteriores, tanto de xuño como de setembro, se ben teremos coidado de fixarnos nas modificacións que aparecerán este ano. De momento, indícovos o enlace do Grupo de Traballo da CiuG que se encarga de elaborar as probas de Latín:

Grupo de Traballo de Latín para as PAAU

Nesta web poderedes atopar os exames que hemos ver nas clases, así como algunhas outra s indicacións (aínda que éstas van destinadas sobre todo a profes).

Nada máis de momento. Ós que viredes ás clases de repaso, agárdovos; ós que non, in thermopoliis nos videbimus. Bromas a parte, moita sorte a todos, e gardade un rincón da vosa memoria para o latín que estudiastes e o profesor que, mellor ou peor, volo ensinou: pola miña parte, non teñades dúbida de que perviviredes nas miñas lembranzas.

NOBIS PROFVERVNT DELICIAE LINGVAE LATINAE

Attendite, alumni secundi cursus baccalaureatus!

2009-05-05T15:09:00.003+02:00

E, como prometía, apenas nuns minutos, velaquí a toponimia da que debedes responder nos vindeiros días:

Toponimia 2ºBach (3) 08

View more presentations from Alfonso Blanco.

FINIS LABORIS VESTRI PROXIMVS EST!