Finis Secundi Cursus Baccalaureatus

Xa rematou o curso ordinario de 2º de Bacharelato, e quero desde aquí agradecer a atención que todos vós, alumnos meus, prestastes ás clases. A parte de felicitar expresamente ós que superaron o curso, foi un pracer para min tervos, a todos sen excepción, como discípulos estes dous anos.

Agora comezan as clases de repaso, ou máis ben de reforzo e recomendación, para aqueles que se van presentar ás PAAU en a penas 15 días. Centrarémonos en esmiuzar exames de convocatorias anteriores, tanto de xuño como de setembro, se ben teremos coidado de fixarnos nas modificacións que aparecerán este ano. De momento, indícovos o enlace do Grupo de Traballo da CiuG que se encarga de elaborar as probas de Latín:

Grupo de Traballo de Latín para as PAAU

Nesta web poderedes atopar os exames que hemos ver nas clases, así como algunhas outra s indicacións (aínda que éstas van destinadas sobre todo a profes).

Nada máis de momento. Ós que viredes ás clases de repaso, agárdovos; ós que non, in thermopoliis nos videbimus. Bromas a parte, moita sorte a todos, e gardade un rincón da vosa memoria para o latín que estudiastes e o profesor que, mellor ou peor, volo ensinou: pola miña parte, non teñades dúbida de que perviviredes nas miñas lembranzas.

NOBIS PROFVERVNT DELICIAE LINGVAE LATINAE

Attendite, alumni secundi cursus baccalaureatus!

E, como prometía, apenas nuns minutos, velaquí a toponimia da que debedes responder nos vindeiros días:

Toponimia 2ºBach (3) 08

View more presentations from Alfonso Blanco.

FINIS LABORIS VESTRI PROXIMVS EST!

Attendite, alumni secundi cursus baccalaureatus!

Dado que o exame está aí ó lado, aquí tedes a presentación de diapositivas coas expresións latinas que vos entran nel. Na seguinte entrada, en breve, brevísimo tempo, hei colgar a dos topónimos:

ExpresióNs Latinas 2ºBach (3) 08

View more presentations from Alfonso Blanco.

AMOENVS HIC LABOR VOBIS SIT!

ROMANAE QVAESTIONES (VI)

Como é costume cada día 28, 29, 30 ou 31, rematou o mes, neste caso o de abril. Tres persoas respostaron, e correctamente, ás quaestiones plantexadas. As respostas non eran, coma sempre, nada difíciles: Vexamos:

1. As festas celebradas en Roma entre o 4 e o 11 de abril eran as chamadas Megalenses, en honra da deusa Cibeles (que, por certo, segue a ter unha estatua hoxe en día en Madrid, como ben sabedes), tamén coñecida como Magna Mater, ou sexa, "Gran Nai".

2. Esa deusa, totemizada nunha pedra de betilo, chegara a Roma no ano 204 a.C., cando unha interpretación dos Libros Sibilinos, que os sacerdotes consultaban en caso de grande perigo para a patria (e que ninguén comprendía), estableceu que sen ela na cidade, Aníbal non podería ser derrotado: Roma enfrontábase a Cartago na II Guerra Púnica.

3. E o 26 de abril do 121 d.C. naceu o chamado "emperador filósofo", Marco Aurelio, da dinastía Antonina. Educouse na escola filosófica do estoicismo, que ensinaba, entre outras cousas, a aturar con paciencia os sobresaltos da vida. Este gobernante deixou escritas unhas máximas (pensamentos breves) compiladas baixo o título Meditacións.

Ben, pois felicitacións para Iván Martínez (4º ESO), Óscar Romero (1º BAC) e Rosa Fiuza (2º BAC), que han ver incrementada a súa nota final en 0,33 puntos.

Para que eles, e tamén outros, poidan seguir sumando, velaquí as preguntas do mes de maio. Tedes desde hoxe ata o día 31 para respostar:

1. Como xa vos teredes decatado, os romanos eran moi festeiros. Nesta ocasión, os días 9, 11 e 13 de maio o pai de cada familia erguíase a medianoite para coller unhas poucas fabas negras e lanzalas ás súas costas; despois, golpeaba un obxecto de bronce, co que non debía facer pouco ruído. ¿A quen se rendía tributo nestes ritos e que simbolizaban?

2. Hai 2.061 anos morría en terra estranxeira un xeneral e político romano moi famoso pola súa riqueza material, e que tivo unha morte xustamente relacionada cos cartos. ¿Quen era, con que nome se coñece a batalla que perdeu e a mans de quen foi derrotado?

3. O 31 de maio de hai 2.025 anos proclamouse en Roma que comezaba unha nova era de paz e prosperidade. Para saudar este feito, convocáronse uns xogos (en latín, ludi) que duraron tres días. A propaganda oficial proclamaba que uns xogos tales nunca se viran e xamais se habían ver de novo. ¿Como se denominaron e como se titula o poema que certo poeta latino, entonces con 48 anos, escribiu para a ocasión?

SAPIENTIA IN VOS INDVCTA SIT!

NATALICIVS VRBIS ROMAE

Hoy es 21 de abril. Hoy hace 2.762 años, según Marco Terencio Varrón, que Roma fue fundada. Y si no fuese por ese hecho este blog no existiría, ni yo sería profesor de lo que soy, ni tendría los alumnos que tengo y he tenido. Alguno podrá pensar que poca importancia tendría que las cosas hubiesen sido de otra manera. Pero yo no. Y además, creo que lo que Roma nos ha dado ha sido, en su mayor parte, beneficioso para la Humanidad. Porque, de todas maneras, es ya inevitable que el curso de la Historia haya sido el que ha sido: quedémonos con las luces de Roma, más potentes seguramente que las de muchas otras épocas, aun contando con sus sombras.

Y, ya sin tanta trascendencia, para celebrar un cumpleaños más de la Ciudad Eterna, aquí os dejo esta cita de Tito Livio, en la que transmite su amor por los valores que el suponía originarios de la Roma primigenia:

Por lo demás, o me engaña la pasión por el trabajo emprendido, o nunca hubo Estado alguno mayor, más augusto y más rico en buenos ejemplos, ni ciudad en la que infiltrasen más tardíamente la avaricia y la lujuria, ni donde existiese tan profundo y por tan largo tiempo el respeto a la pobreza y la economía. Hasta tal punto que, cuanto menos se poseía, menos se deseaba. Pero recientemente las riquezas han acarreado la avaricia; y la abundancia de placeres, el deseo de perderse y de perderlo todo por mediación del lujo y del desenfreno

(Tito Livio; Los orígenes de Roma, edición de Maurilio Pérez González, Madrid, 1989)

PROSIT VOBIS VRBIS ROMAE HEREDITAS

ROMANAE QVAESTIONES (V)

O fin do mes de marzo coincidiu co do segundo trimestre, e desta vez houbo algunha persoa máis que contestou ás preguntas que desde este blog so vos propoñen co fin de que aumentedes os vosos coñecementos sobre a Roma antiga, e ademais poidades sumar ata un punto ó trimestre á vosa nota final.

Como xa vai gastada case a metade do mes de abril, suxírovos que vos poñades as pilas nestes quince días que quedan de mes e atopedes as respostas a estas tres preguntas. Lembrade: sempre son cuestións referentes a acontecementos dos que se cumpre o aniversario no mes en curso. Aí van:

Entre o 4 e o 11 de abril celebrábanse en Roma unhas festas na honra de certa deusa. Os seus sacerdotes levaban a súa imaxe en procesión plas rúas de Roma: ía sentada nun carro tirado por leóns, acompañada de música e fortes berros rituais. Ademais, durante estes sete días, celebrábanse banquetes nos que os patricios e os plebeios se invitaban reciprocamente. Tedes que averiguar o nome da deusa e o das festas en cuestión.

Xustamente, o 12 de abril festexábase en Roma a chegada á cidade dunha pedra que representaba á deusa da que falabamos na pregunta anterior. Un oráculo lido en certos libros relixiosos establecera que esta pedra debía ser transportada Roma para salvala dun grande peligro no que se atopaba hai 2.213 anos. ¿Qué perigo era ese e con qué nome se coñece ós libros que se consultaron?

Para rematar, un cumpreanos: hai 1.888 anos nacía un emperador que se fixo famoso polo seu bo goberno e pola súa faceta de filósofo. Mesmo deixou escrito un breve libro cos seus pensamentos, expresados en sentencias breves. ¿Quen era o emperador, a qué escola filosófica estaba adscrito, e cómo se titula o seu libro, que aínda se conserva?

Attendite, alumni quarti cursus secundariae!

Aquí tedes a presentación que comentamos nas clases sobre feitos curiosos e anecdóticos da Historia de Roma. Lembrade que tamén corresponde a este trimestre outra máis: a que contén a recopilación dos vosos traballos sobre etimoloxía (iso si, correxida), e que tedes neste mesmo blog.

Res Historiae Vrbis Romae

View more presentations from Alfonso Blanco.