Mostrando entradas con la etiqueta Odisea 2015. Mostrar todas las entradas
Mostrando entradas con la etiqueta Odisea 2015. Mostrar todas las entradas

lunes, 2 de febrero de 2015

Odisea 2015 (III)

Rematou xa o concurso para os grupos do noso Centro, e estivemos a piques de conseguir acudir ó desempate.

Tres dos nosos catro grupos obtiveron 75 puntos de 77 posibles, xa que o xurado non deu por válida unha das respostas do "preguntón" do xoves. Fíxose unha reclamación, que non foi estimada pola organización do concurso; non compartimos o criterio que se empregou, pero non nos queda máis que acatar a decisión. Por certo, que agradecemos ós organizadores, un ano máis, a posta en marcha desta iniciativa, que serve para que as nosas materias, tan maltratadas no currículo educativo, se fagan visibles nas comunidades educativas.

Así que desde aquí este profesor non ten máis que expresar a súa gratitude ós alumnos participantes polo seu esforzo, e agardar con ilusión ó vindeiro ano.




jueves, 29 de enero de 2015

Concurso Odisea 2015 (II)

Está a piques de rematar o Concurso, e os catro grupos que decidiron participar polo IES Fontexería están poñendo a traballar intensamente os seus cerebros.

AS VÓNGOLAS EUNUQUILES (Lucía, Saray e Sabela, de 2º BAC), SINE LIMITIBVS (Melanie, Adela e Laura, de 1º BAC), OMNIA VINCIT AMOR (Isma, Aldara e Iván, de 1º BAC) e OMNIA VANITAS (Nerea e Laura, de 1º BAC) van expremer as súas materias grises para obter a máxima puntuación posible.

 Mañá ás 9:00, o veredicto.


MINERVA ET FORTVNA VOBIS ADSINT!

viernes, 9 de enero de 2015

Concurso Odisea 2015 (I)

Un ano máis, a Sección Galega da Sociedad Española de Estudios Clásicos (SEEC) convoca o Concurso Odisea, que é un excelente xeito de aprender e pasalo ben mergullándonos no Mundo Antigo.

Aquí deixo o enlace ás bases e inscrición para todos aqueles que queirades participar. Iso si, debédesmo notificar, porque debe haber un profesor responsable.