ROMANAE QVAESTIONES (II)

AVETE, DILECTI ALVMNI

Hic habetis questiones de rebus Romanis: respondendae sunt ante finem mensis ianuarii. Mementote vos nuntio electronico uti posse. Sit vobis amoenum utileque!

I. Hai 2.114 anos, o 3 de xaneiro, nacía na pequena vila de Arpino, preto de Roma, o que despois foi considerado o máis grande orador romano de todos os tempos. ¿De quen se trata? Considerarase como resposta correcta aquela que inclúa o nome completo do persoeiro, acompañado das datas de nacemento e morte.

II. Por outra banda, 55 anos despois do acontecemento anterior, xusto o 10 de xaneiro, G. Xulio César pronunciaba, a piques de cruzar certo río, a coñecida frase Alea iacta est, enfrontándose desde aquel momento a unha situación difícil. ¿Que significa a frase, que río cruzou César, e qué grave suceso provocou coa súa acción?

III. E todos os anos, o 15 de xaneiro as matronas romanas (matrona= muller casada) celebraban unha festa en honra de certa deusa menor (non é ningunha das do panteón olímpico). A festividade conmemoraba certa ocasión na que, como o Senado lles prohibira ir en carro, as matronas se negaron a ter fillos (e, claro está, á práctica que adoita traelos como consecuencia). ¿Que deusa era esta e de que ámbito da vida se encargaba?

Bulide, porque xa sabedes que tempus fugit.

VALETE