miércoles, 18 de febrero de 2009

Attendite, alumni primi cursus baccalaureatus!: Latina Dicta (Pars Prima)

Aquí tenéis la presentación que recoge las expresiones latinas de uso actual que trabajaremos durante este segundo trimestre. Recordad que en su día se os pedirá que sepáis emplearlas en ejemplos concretos:

Check out this SlideShare Presentation:
O QVAM HODIERNA LINGVA LATINA EST!

viernes, 13 de febrero de 2009

Attendite, alumni primi cursus baccalaureatus! : HISTORIA VRBIS ROMAE (II)

Velaquí tedes a presentación coa que viñemos traballando nas últimas clases. Lembrade que podedes descargala E QUE É POLA QUE TEDES QUE ESTUDIAR ESTES CONTIDOS.



VOBIS PROSIT

miércoles, 11 de febrero de 2009

Tertium praemium Concursus "Odisea 2009" tulimus!

Magna gaudia omnibus alumnis Lycei Muradani!
Hoxe mércores, como estaba previsto, tivo lugar o desempate da Fase Galega do Concurso Odisea 2009. Finalmente, asistiron tres grupos do noso Centro ó IES de Ames para participar neste evento. O suspense acompañounos desde o principio, xa que xusto ás 16,30, hora do comezo, a páxina web na que debían aparecer as cuestións non cargaba. Os responsables da organización fixeron chegar as preguntas co inevitable retraso, mais as condicións foron iguais para todos. A partir dese momento comezaron case tres horas contra o reloxio. O resultado final deixou ó grupo SEQVERE ME (Marta Martínez, Javier Rey e Ana Del Río) en terceiro lugar, só superados por dous grupos do IES de Ames, que obtiveron os dous primeiros lugares. Os outros dous grupos nosos quedaron como segue: en cuarta posición, CORPVS DELICTI (Alba Castro, Merche Ferreirós e Iván Martínez), cos mesmos puntos que SEQVERE ME, mais cunha desavantaxe en tempo de 1m 20 s.; e en oitava posición, con algúns puntos menos, rematou FESTINA LENTE (Martina Creo, Lúa Simal e Leticia Olveira).
En fin, que os alumnos de Latín, Grego e Cultura Clásica do noso Centro seguen a manter unha boa liña neste concurso desde o seu inicio en 2006: primeiros en 2006; primeiros, segundos e terceiros en 2008; primeiros na fase estatal (con participación da Comunidade Valenciana) no mesmo ano; e, por fin, terceiros este ano.
A todos os alumnos: felicidades, moitas gracias e habémolo celebrar como corresponde. Máis información nesta web: www.seecgalicia.org/odisea.
De momento, botádelle unha ollada a estas fotografías:

martes, 10 de febrero de 2009

ROMANAE QVAESTIONES (III)


Nós tamén seguimos co noso concurso particular. Velaquí van as tres cuestións correspondentes ó mes de febreiro. Lembrade que todas se refiren a acontecementos da historia e cultura romanas dos cales se cumpre algún aniversario. E non esquezades que a resposta correcta a estas preguntas servirá para "engordar" a nota final do trimestre. Por certo, para contestar empregade o noso correo electrónico: murosenlatin@hotmail.es. Sorte e sapiencia.






1. Todos os anos, o 15 de febreiro, celebrábanse en Roma unhas festas na honra de certo deus. Nelas uns mozos, logo de sacrificar unha cabra en certa cova, manchaban a cara co sangue da víctima e percorrían a cidade zoupando a todo o que se topaban cunhas correas. Moitas mulleres recibían de bo grado este pequeno castigo, xa que se supoñían favorecedores da fertilidade. ¿A que festa nos estamos a referir e en honra de qué deus eran?






2. O 24 de febreiro do 391 d. C. un Emperador publicaba un edicto relativo ás prácticas relixiosas. ¿De que Emperador se trata e qué aspecto concreto regulaba ese edicto?






3. E falando de Emperadores con gañas de lexislar, o 27 de febreiro de 274 d. C. nacía un que ós seus 39 anos publicaría un decreto decisivo para a Historia de Roma e tamén do mundo enteiro. Busca o nome do Emperador, o do decreto e a qué se refería.

lunes, 9 de febrero de 2009

Experimentum de Odyssea MMIX



Unha vez máis, o inverno que estamos a sufrir este ano deixounos sen clase hoxe. Mais o que sigue en pé é a nosa participación no desempate do concurso Odisea 2009, que se ha celebrar este mércores en Santiago.

Para facer ximnasia cerebral, practicade con estas preguntas con preguntón:



1. En latín: cámara subterránea de calefacción
2. Dano ós propios ollos
3. Traxedia atribuída a Eurípides
4. Personaxe cuxa tumba foi considerada unha das maravillas do mundo
5. Gramático latino mestre dun famoso poeta
6. Piar de pedra que servía de miliario ou de estela funeraria
7. Planta herbácea que pola forma das súas follas se chama cun cultismo grego "beizos de asno"
8. Antiga cidade de Macedonia no golfo Termaico
9. Símbolo químico do elemento de violáceo nome
10. Mulleres que asasinaron aos seus maridos na noite de vodas
11. Nas lendas romanas habitantes máis antigos da Italia central
12. Espía que os gregos deixaron en Troia



PREGUNTÓN:


Nome xenérico dos participantes na mutilación das estatuas de Hermes




viernes, 6 de febrero de 2009

Concurso Odisea 2009

Concluíu a fase final do concurso Odisea 2009, organizado pola Sección Galega da Sociedad Española de Estudios Clásicos (SEEC).
Como sabedes, os alumnos de Latín e Grego do noso Centro presentábanse encadrados en 9 grupos. Estes, xunto con outros 23 grupos de Institutos de toda Galicia, alcanzaron a máxima puntuación posible (77 pts.) ó respostar ás preguntas que a organización foi formulando a través da súa web o luns, martes, mércores e xoves desta semana. Polo tanto, como estaba previsto nas bases do concurso, será precisa unha fase de desempate, que terá lugar o vindeiro mércores día 10 entre as 16,30 e as 19,30. Segundo nos foi comunicado pola organización, os nosos grupos están citados para ese día e horas na cidade de Santiago de Compostela, probablemente nos centros IES Eduardo Pondal e IES Xelmírez I, aínda que esto último será confirmado a primeiros da semana que vén.
Pola nosa parte, a noraboa ós grupos clasificados, que son estes:

CORPVS DELICTI: Alba Castro, Merche Ferreirós, Iván Martínez
RARAE AVES: Rosa Fiuza, Cris Fernández, Sandra Fernández
SEQVERE ME: Marta Martínez, Javi Rey, Ana Del Río
FESTINA LENTE: Martina Creo, Lúa Simal, Leticia Olveira
ILLIC TV: Tamara Fernández, Ana Mayo, Máikel García

Estes rapaces realizarán o martes, veremos se pola mañá ou pola tarde, un ensaio. Máis detalles a partir do luns.


MINERVA SEMPER SIT NOBISCVM